Y Show Tasty (Closed)

之前同朋友都上過去食午餐，味道各樣都好抵食🤣所以今次就同朋友食多次，其實呢間餐廳環境都唔錯，雖然唔係好大但就好舒服，今次同朋友就點咗呢2個嚟食。香烤招牌豬豬乳豬賣相份量十足，個人其實非常鍾意食乳豬，所以真係睇見都流哂口水，而咬落去果然唔會失望，乳豬皮十分香脆，但內裏肉汁豐富唔會乾身，加埋秘製醬汁一齊食真係相當出色，招牌菜式果然真係唔同啲，而食完乳豬再食埋沙律菜亦平衡油膩感真係大滿足。泰式冬陰功海鮮意大利飯平時意大利飯就食得多，但今次用冬陰功整意大利飯真係第一次見，所以睇到就點嚟食吓啦，估唔到賣相都唔錯，而且都幾多海鮮，味道就酸酸辣辣，鍾意食海鮮嘅朋友應該會鍾意。