里的茶 (Closed)

同屋企人行街，行到有少少口渴，就去咗買里的茶😆😆😆佢哋做緊買一送一嘅優惠，同朋友一人一杯，都係10幾蚊，好抵飲👍🏻👍🏻如果得自己一個，飲唔晒兩杯，單買一杯就減$8，當然買兩杯先係最抵😋😋今次買咗富士蘋果芝芝冰茶 $37 同鮮果茉莉茶 $34富士蘋果芝芝冰茶層次分明，見到有最頂層嘅芝士奶蓋，中間係蘋果沙冰，最底就係蘋果茶，芝士奶蓋咸咸香香，沙冰打得算幼細，好香既蘋果味，會見到啲蘋果皮，真材實料，味道清新，飲完好透心涼呀😆😆😆鮮果茉莉茶係我媽咪叫既，有好多嘅生果片，一入口就有香濃嘅百香果味，酸酸甜甜，繼而都飲到清澈嘅茉莉茶味，如果食完飯想消濟下，我覺得飲呢杯都唔錯👍🏻👍🏻💖