盤子工房 (建生商場) (Moved) New Location

約左老友食晚餐，話想試下呢間盤子工坊，就去試下啦，首先小店鋪面唔大，數埋都無10個位，餐牌款式唔多，主要都係意粉類，熱狗同all day Breakfast。今日我地就主要試意粉啦叫左份青醬煙3文魚意粉同咸蛋黃軟殼蟹意粉，加35蚊跟餐多個湯，多士同沙律，先講講個湯係南瓜湯，南瓜味好濃口感都幾厚，唔錯，蒜蓉多士都烘得幾香，係沙律普通左d，得d生菜同沙律醬，好啦主菜意粉黎啦，意粉質感係唔錯，有咬口，醬汁都調得可以，但無話真係好好食果種，整體算是不錯不失，另外加9蚊果杯是日特飲就真係扣分啦，侍應話係蜜桃汁，最後黎杯蜜桃茶，仲要唔夠甜。