雲南桂林過橋米線 (Closed)

今日一行三人聚舊、決定幫趁這間雲南桂林過橋米線！八時去到有卡位、立刻坐低、睇餐牌、叫了小鍋米線三個、夫妻肺片（以前好似無的）、油菜、麻辣鴨腎、三杯奶茶。好快d野到、三個都不客氣、筷子食個不停。小鍋米線普通、冇乜味、可能我叫小辣、冇乜肉碎。另外二位小姐叫中辣、好味好多。因為我偷飲佢地d湯。夫妻肺片、朋友係四川人、佢話好食過（譚魚頭），因為無咁甜。油菜、可以啦！最快食晒的。麻辣鴨腎、好鬼死香口又好鬼辣……正。奶茶、得個甜、最差呢樣。時間過得好快、吹完一輪水巳九時、埋單走人。朋友出糧人地豪。