滾爺火鍋 (上海街)

Open Now

Now Closed

天氣終於轉涼，係時候打邊爐啦！今次幫襯呢間新店新開張，位置油麻地旺中帶靜既位置。餐廳除左地面之外，樓上亦有位。職員態度有善，服務周到。油麻地又多一間好餐廳，真係好呀。泰國椰子雞鍋職員成個椰青攞出黎喺你面前倒椰青水，即刻想像到椰青水嘅清甜味，勁正。有好多雞肉，雞肉嫩滑，雞皮彈牙。我最鍾意佢切好一片片椰肉放埋落去煲，煮熟左既椰肉好淋好滑溜，仲充滿椰味！食完雞飲完湯，就可以叫職員加火鍋湯底開始打邊爐啦！脆鯇魚片色澤好靚，放落去滾兩滾好快就捲起，不過鯇魚一定要淥熟先好食呀！鯇魚肉質結實，清爽脆口，果然係適合用黎打邊爐。新鮮第一刀新鮮豬肉，所以唔係雪藏貨。豬肉豬味濃郁，肉質彈牙而不靱，無肉筋，脂肪分佈均勻。