Video
Read full review
2017-10-22
796 views
《純分享生活點滴篇》 尋晚行到去石塘咀搵野食，無意中行行下見到呢間個餐牌唔錯，價錢又算平民，諗左陣就入左去食。本身都冇咩expectation, 諗住應該都係平時嗰啲咩牛筋腩麵專家啲friend咁啦。 見到難得有伊麵，於是我就叫左碟我未試過食嘅「墨魚鬚頭撈伊麵」，而🐐就叫左碗「雲吞牛腩伊麵」。 然後，個老闆👨(應該係掛🤔)問我要咩汁撈，就答：「蠔油啦。」👨：「定係要...腩汁？」嘩！腩汁正呀😍 之後👨就細細聲話：「識揀喎，最好就係腩汁😉」佢落單之後返嚟：「我話你知點解呀，你叫嗰碟墨魚撈麵嘅味道比較上你清淡，所以當落腩汁嘅時候，嗱~味道嘅層次就會提升喇！所以話，食呢個，最好就係配腩汁。」（聽完佢講，我覺得我self-esteem都提升左😂） 講開，我先知原來出面食腩汁要加錢架😱聽完👨咁講，令到我好期待食😋~但佢望住我地呢，又有啲壓力喎，因為其實我唔係好識點樣食撈麵架咋🙈 隔左一陣，👨無啦啦喺廚房拎左碗野出嚟，問：「你食唔食南乳架？」 嘩嘩嘩！！！我即刻雙眼發哂光😍呆左2秒 (因為我冇諗過會有
尋晚行到去石塘咀搵野食，無意中行行下見到呢間個餐牌唔錯，價錢又算平民，諗左陣就入左去食。本身都冇咩expectation, 諗住應該都係平時嗰啲咩牛筋腩麵專家啲friend咁啦。
見到難得有伊麵，於是我就叫左碟我未試過食嘅「墨魚鬚頭撈伊麵」，而🐐就叫左碗「雲吞牛腩伊麵」。
然後，個老闆👨(應該係掛🤔)問我要咩汁撈，就答：「蠔油啦。」👨：「定係要...腩汁？」嘩！腩汁正呀😍
之後👨就細細聲話：「識揀喎，最好就係腩汁😉」佢落單之後返嚟：「我話你知點解呀，你叫嗰碟墨魚撈麵嘅味道比較上你清淡，所以當落腩汁嘅時候，嗱~味道嘅層次就會提升喇！所以話，食呢個，最好就係配腩汁。」（聽完佢講，我覺得我self-esteem都提升左😂）
講開，我先知原來出面食腩汁要加錢架😱聽完👨咁講，令到我好期待食😋~但佢望住我地呢，又有啲壓力喎，因為其實我唔係好識點樣食撈麵架咋🙈
隔左一陣，👨無啦啦喺廚房拎左碗野出嚟，問：「你食唔食南乳架？」
嘩嘩嘩！！！我即刻雙眼發哂光😍呆左2秒 (因為我冇諗過會有，平時都冇見過有得食) 答：「我食架😍😍😍」食左啖：「嘩真係香好多喎」👨：「係呢，我地啲客好多時就係為左食我地啲汁」🐠：「係囉，我都冇喺出面見過撈麵有南乳汁😍」
點知，佢又喺廚房拎左碗野出嚟：「你地食唔食貢丸架？我地呢度最出名貢丸！」🐐：「食呀！」我心諗：「下...我唔鍾意食貢丸架喎，成世人都未試過食過一粒好食嘅，不過老闆請到仲要話係呢度最出名就試下啦...」
🐐：「嘩，好好食，好彈牙！」👨：「係架，我地啲貢丸嚟自台灣架！而且仲食唔食得出好香...」🐠：「好香菇味！真係好好食😍我真係未食過咁好食嘅貢丸🙈」
*連我呢個被稱為世界上最揀飲擇食嘅🐠，都鍾意食，大家都知應該唔會錯架喇😂*
之後👨問起我地住邊頭，發現原來🐐同👨讀嗰間中學喺附近，就喺度分享返佢嘅中學出活趣事😂（我地發現佢啲英文都唔差🙈）跟住又講起西營盤高街變哂做西餐廳，而家想搵啲平民啲嘅野食都難喇...
總結：
1）其實點解西營盤唔可以保留呢啲鋪頭呢，雖然我唔係上一代嘅人，但我真係好鍾意呢啲鋪頭，係好有人情味嘅食店。
2）老闆真係好nice，腩汁唔洗加錢，送多碗南乳汁之後仲要送多粒貢丸😍最重要嘅係，可以一路食一路傾計都唔會覺得尷尬😃呢餐好滿足🙈
Post
