阿貓地攤

Open Now

Now Closed

今日其實係睇到Facebook有一個貓貓健康講座而來參加嘅。其實N年前已經有黎呢一間餐廳。不過係搬咗之後就冇嚟過啦。比起N年前去舊舖呢度真係細咗好多。不過環境都幾舒適。今日好好彩比我坐到卡位有落地大玻璃。所以都幾舒服。我哋早左到呢就嚟食個午飯先。個係老公嘅腸意粉餐。佢話分量都幾夠大男士都夠飽。味道都唔差。我就要左個漢堡包餐，都比想像中好食，芝士好大塊。都落足料嘅。沙律都好新鮮異鄉醋亦都幾好味。本人就最喜歡蘑菇啦。佢呢個蘑菇湯幾濃郁嘅。唔錯。呢個細細粒嘅薯蓉批呢。出奇地鬆化。薯蓉都好好味。之後就開始咗講座。$120兩個鐘頭嘅獸醫講座包一個＄50嘅飲品同埋一個甜品。我個人認為係非常之咁抵。老公就要左呢杯可愛嘅貓貓泡沫咖啡。講座完左之後甜品就送上啦。非常之精美。水果都好多。講座後仲可以比我隻貓貓做咗一個義診免費身體檢查。真係非常之滿足。值得一題係：店員非常之有耐性，而且好有禮貌。所以你絕唔會受氣。有機會都會同D女仔朋友上去坐下。