Video
Read full review
2015-05-11
1027 views
早就聽聞中環嘅soho區有好多好野食，今天終於有機會黎試下喇。今日同朋友去伊利近街嘅Naked Gurume Gyarari，去之前聽朋友介紹，呢間餐廳嘅老板一直俾心機將把飲食文化同藝術文化合二為一。另外鐘意簡啲最時令而且健康嘅食材，將各種唔同種類嘅菜式加入創新元素，為唔同嘅菜式帶來嘅變化，新嘅衝擊。由中環地鐵站經過十多分鐘嘅路程，終於到左伊利近街嘅舖頭，一入去首先要穿過條長長嘅黑白色藝廊，係穿過嘅時候令我感覺對餐廳更有期待嘅感覺。之後沿樓梯再上一樓層，就正式到餐廳喇。一入到餐廳嘅裝潢佈局俾我感覺完全唔會迫嘅感，雖然環境有點暗，但係成個環境好適合幾個朋友黎到食野，靜靜咁傾下偈。今次係我朋友負責叫嘅，佢話今次食嘅野，主廚係將台灣食材同埋煮嘅方法完全融入日菜同西菜入面。話口未完，第一碟野就上枱喇 - 芝士麻辣爆谷Paemesan Szechuen Pepper popcorn 。這碟爆谷是以辣粉、香芹和芝士粉炮製而成，食落有川椒嘅味道，有點麻麻地同埋微辣，都算惹味。不過好可惜唔夠脆身，口感唔夠好。不過都算特別，因為都係第一次食到呢種味道嘅爆谷。跟住上枱嘅就係櫻花木花雕燻蛋Sakura Sm
由中環地鐵站經過十多分鐘嘅路程，終於到左伊利近街嘅舖頭，一入去首先要穿過條長長嘅黑白色藝廊，係穿過嘅時候令我感覺對餐廳更有期待嘅感覺。之後沿樓梯再上一樓層，就正式到餐廳喇。一入到餐廳嘅裝潢佈局俾我感覺完全唔會迫嘅感，雖然環境有點暗，但係成個環境好適合幾個朋友黎到食野，靜靜咁傾下偈。
今次係我朋友負責叫嘅，佢話今次食嘅野，主廚係將台灣食材同埋煮嘅方法完全融入日菜同西菜入面。話口未完，第一碟野就上枱喇 - 芝士麻辣爆谷Paemesan Szechuen Pepper popcorn 。這碟爆谷是以辣粉、香芹和芝士粉炮製而成，食落有川椒嘅味道，有點麻麻地同埋微辣，都算惹味。不過好可惜唔夠脆身，口感唔夠好。不過都算特別，因為都係第一次食到呢種味道嘅爆谷。
跟住上枱嘅就係櫻花木花雕燻蛋Sakura Smoked Huadiao Egg，廚師用櫻花木煙燻再用花雕酒浸成晚而整成，隻蛋係流心蛋黃，再加埋紅菜頭濃汁、黑魚籽和小菜苗，食落口感超級獨特，蛋黃又香又濃，味道豐富多變而且又唔會太重酒味﹗
食完個咁正嘅煙燻蛋之後就係吞拿魚藜麥沙律Big Eye Tuna Quinoa Salad，個人覺得呢個沙律絕對值得推薦﹗首先吞拿魚係厚切嘅，入口肥美鮮甜，又唔會太肥膩。每塊吞拿魚上，均有適量的紅菜頭濃汁、牛油果醬，仲有小胡蘿蔔、日本紅皮白心蘿蔔片同小菜苗夾埋一齊食。另一方面墊底係低脂低卡路里又健康嘅藜麥沙律，藜麥沙律不單健康，仲咬口十足，為呢碟吞拿魚藜麥沙律增添了不少分數。
食完沙律之後，其他熱食就開始上枱喇。海山酸辣炸雞翅Spicy Chicken Wings，廚師將雞翼用海山醬醃製，再將雞翼炸金黃香脆。所以雞翼入口外皮香脆，而且帶有海山醬嘅酸辣味，所以非常惹味。最後用餐廳提供嘅青檸唧出青檸汁，淋上其上，就更完滿了。
跟住紅燒鮑魚牛舌配百合青蕃茄醬Braised Abalone & Ox Tongue，鮑魚係用銀匙載住，夠入味吃落又夠彈牙，配上鮮爽百合橙色同埋香脆嘅荀碎一齊食，令口感更豐富。最後墊底嘅牛舌更加係令我覺得呢個紅燒鮑魚牛舌嘅層次十分豐富，係呢餐飯入面十分突出。
之後就係三杯不醉の雞Spicy 3 Cups Drumsticks。廚師將雞槌用甜醬油、花雕酒，辣椒等材料將雞槌煮就入味，然後再拎去炸。所以雞槌入口味道非常豐富，但係裡面肉質又香又嫩，仲帶小小酒香，令人感到十分驚喜，最後墊底嘅薯蓉，又香又幼滑，同雞槌超級搭配。
之後就黎左個好特別嘅拼盤 Making Your Own “The Seductive Wrap” 。係一塊大嘅木板上面放有生和牛和海膽各件、一細兜和牛他他、鵪鶉蛋、紫蘇葉、紫菜，韓式泡菜和蒜蓉，超級吸引呀!!!!大家可以根據自己嘅個人喜好，將各款食材組合，再捲起黎食。我用紫菜將紫蘇葉，海膽，牛肉，牛肉他他再加埋泡菜，捲起來放入口食。入口啖啖都係料，兩種牛肉唔會有好多根，而且好有牛肉味，海膽又好鮮甜，真係令人超級滿足。
除了鮮嫩嘅海膽同埋牛肉之外，仲有魚籽同吞拿魚迷你脆筒Caviar Cornet Duet呢樣菜一式兩款，一客有四件，用金色鐵架載住，感覺好珍貴。黑芝麻辣吞拿魚鱘魚魚籽Black Sesame Spicy Toro range (Sturgeon Caviar)，係餐廳自家製嘅脆筒入面，塞滿晒剁碎左嘅吞拿魚肉碎，但係吞拿魚肉肉質甘美，再加埋鱘魚魚籽同帶點辣味嘅脆筒，感覺好惹味。另一款是羅勒柑橘海膽橄欖油魚籽Basil Citrus Uni (Olive Oil Caviar)，脆筒入面係入口即溶嘅海膽，脆筒嘅頂有小小由檸檬皮同埋橄欖油整成嘅黃色粒粒，令成個脆筒味道更加豐富。
最後甜品上枱喇，甜品係加左鳳梨酥嘅鳳梨酥雪糕配腰果Mango Pomelo Gelato Crumble。鳳梨酥入口十分鬆脆，而且有菠蘿甜味。中間係幼滑嘅楊枝甘露雪糕，配埋士多啤梨、蓮霧同埋腰果，口感豐富。作為甜品，呢個甜品絕對值得推薦，因為食完唔會覺得膩，反而有種清新嘅感覺。
總括黎講，係呢間餐廳每樣食物，雖然落黎好似好平凡簡單，但其實內裡卻包含住廚師大量嘅心意同埋創意，通過這餐飯我深深咁感受到呢啲心意同埋創意，大家都不妨黎呢度感受下喇。
Post
