Video
Read full review
2024-03-10
2145 views
今個星期六約咗朋友去啟德地標商場Airside新開嘅浪谷食東南亞菜。未入餐廳時睇過下餐牌，價錢都唔平，其實都擔心會唔會貨不對版，點知有意外驚喜。一坐低我哋就見到有班人喺室內場玩緊滑水，第一次見係幾特別。不過由於啲水聲都幾大，所以同朋友傾計時都有啲辛苦，有少少美中不足。如果想靜靜地食餐飯，建議可以坐遠離滑浪場或室外嘅地方。食物方面，餐牌上嘅選擇唔算太多，都係大路嘅東南亞菜式，價錢平均一款都要過一百蚊。我哋一行四人，叫咗自家製泰式魚餅（$98）、加多加多印尼什錦沙律（$138）、泰式菠蘿海鮮炒飯（$168）、泰式大蝦炒金邊粉（$128）同埋印尼炒茄子（$118）。可能當日我哋比較早到場食lunch，食物上菜好快，溫度方面仲係熱辣辣。最好味一定係泰式魚餅，質感好軟熟，調味啱啱好，同出面食開乾爭爭嘅唔同。另外，我真心推介大家試下泰式菠蘿海鮮炒飯，飯底夠香，配料亦好多，果仁好鬆脆香口。至於碟茄子，整體個醬汁係幾開胃，但如果茄子再醃得入味啲就更好。今次餐飯比較深刻嘅有兩樣嘢。第一，食物嘅份量其實好大碟，完全唔似好多餐廳價錢高但用啲好細嘅碟上菜，浪谷嘅食物絕對配得起呢個價錢（其實都唔算貴）。第二，侍
一坐低我哋就見到有班人喺室內場玩緊滑水，第一次見係幾特別。不過由於啲水聲都幾大，所以同朋友傾計時都有啲辛苦，有少少美中不足。如果想靜靜地食餐飯，建議可以坐遠離滑浪場或室外嘅地方。
食物方面，餐牌上嘅選擇唔算太多，都係大路嘅東南亞菜式，價錢平均一款都要過一百蚊。我哋一行四人，叫咗自家製泰式魚餅（$98）、加多加多印尼什錦沙律（$138）、泰式菠蘿海鮮炒飯（$168）、泰式大蝦炒金邊粉（$128）同埋印尼炒茄子（$118）。
可能當日我哋比較早到場食lunch，食物上菜好快，溫度方面仲係熱辣辣。最好味一定係泰式魚餅，質感好軟熟，調味啱啱好，同出面食開乾爭爭嘅唔同。另外，我真心推介大家試下泰式菠蘿海鮮炒飯，飯底夠香，配料亦好多，果仁好鬆脆香口。至於碟茄子，整體個醬汁係幾開胃，但如果茄子再醃得入味啲就更好。
今次餐飯比較深刻嘅有兩樣嘢。第一，食物嘅份量其實好大碟，完全唔似好多餐廳價錢高但用啲好細嘅碟上菜，浪谷嘅食物絕對配得起呢個價錢（其實都唔算貴）。第二，侍應服務態度非常有禮貌同周到，成餐飯分別有幾個侍應每隔兩分鐘就同我哋斟一次水，落單同埋單時都好有笑容，所以成餐飯嘅體驗都好開心。而家去Airside用HSBC信用卡食夠$600，仲可以憑NF會員換$100電子優惠券。最後埋單$715，四個人每人$200都唔洗，真係好抵呀😊😊
自家製泰式魚餅
$98
64 views
0 likes
0 comments
泰式菠蘿海鮮炒飯
$168
52 views
1 likes
0 comments
泰式大蝦炒金邊粉
$128
192 views
1 likes
0 comments
加多加多印尼什錦沙律
$138
67 views
0 likes
0 comments
印尼炒茄子
$118
68 views
0 likes
0 comments
Post
