阿麥廚房 (Closed)

唔行過黎真係唔知有間咁好食既西餐係度😈我地叫左上面呢個set dinner。香煎法國鵝肝配焦糖酒醋藍莓，塊鵝肝煎得非常之好味，口感又一流，配埋佢個烘脆左個包，好似係酒店食緊野咁👍🏻，d沙律新鮮爽口。大蝦占米多，隻蝦都幾大隻，調味好香口好正，入面有芝士有蘑菇，蝦肉剛剛好，好彈牙。是日餐湯係黑松露菌忌廉湯，好香松露味，亦都好有心思，因為佢會有一粒粒蘑菇碎係裡面，好有口感，同出面果d好唔同，呢個我會俾足100分👍🏻👍🏻👍🏻另一個係蟹肉南瓜忌廉湯，黎到一聞到蟹肉味，入面都有唔少既蟹肉，值得一讚。主菜係燒紐西蘭羊架，佢d羊架唔會太大隻，但就有3隻俾你，所以份量剛剛好，而燒得唔錯，岩岩好，肉質好嫩滑，基本上唔洗點佢個汁已經好夠味。香煎帶子配黑松露野菌意大利飯，飯既軟硬度煮得好好，帶子好香口，個飯再配埋小小露荀，有口感。最後就到餐茶，都幾多選擇的，呢間餐會錯再去多次，食物味道好正。