老街 (Moved) New Location

呢一間老街次次話食，次次都放棄左，今次確實諗唔到係旺角食乜野，就試試呢間啦，時間尚早，尚未滿坐，入到呢到，店內播著台灣既老歌，環境都好懷舊，甚有60，70年度代的味道，好有意思！之前已經知道要食D乜嘢，叫碟鹵水拼盤，細碗魯肉飯，同一杯香芋珍珠奶茶，鹵水拼盤有牛筋，鹵水蛋，豬大腸同豬耳仔，份量多，牛筋好淋，幾入味，可惜豬大腸唔太入味，好淡，豬耳仔夠爽又有骨膠原，蛋就普通，可以再入味D就更好，至於魯肉飯就好多肥肉 飯夠熱同粒粒分明，又軟熟，而杯香芋珍珠奶茶好正，好香的芋味，甜度適中，奶味香濃，珍珠夠彈牙食物上的味道可以入味D就更好