哥哥添飯•妹妹泡茶

Open Now

Now Closed

自從上次飲過桃膠烏龍奶茶之後，一直念念不忘。而家每星期必去一次😋😋桃膠烏龍奶茶，茶香桃膠多，正！外賣唔洗袋，條絲帶俾你手拎住，又靚又環保，讚👍🏻♻️然後叫左原味蛋餅，香港好少地方有得食，而且同我係台北食嘅味道好接近，如果有鮪魚就正啦！🤤因為未食晚飯，所以叫左個招牌菜塩麴雞配油飯，雞好滑，味道不錯，但油飯原來唔係雞油飯，而係豉油飯，個人覺得咸左啲，下次會配返白飯。😅加埋隻蛋，$47真係好抵食😍最欣賞佢外賣全部係紙盒，唔係發泡膠，環保啲之餘，賣相都吸引好多，見得到佢地細節都好有心。而當日廚房整左豆豉雞，本來係職員餐，我八掛問下，哥哥又好客氣不左一兜出嚟比大家試食。好有愛嘅小店❤️❤️❤️