Video
Read full review
2020-11-21
207 views
好耐冇飲茶啦！得閒嘆番一盅兩件都幾爽🥰 除咗傳統茶樓之外，而家都開咗好多點心店，想食點心又多咗唔少選擇😚 呢間仲係黃點心店，經過可以支持下💛春風得意腸 ($36)係舖頭嘅王牌🃏腸粉包住脆卜卜嘅油炸鬼，入面仲有鮮蝦同粟米做餡料，加埋蟹籽點綴令到成個點賣相靚左唔少🥳 黃金流沙包($26)貓咪造型夠曬吸睛🤩 做到流沙效果，入面嘅奶黃味幾香濃👍 灌湯京滬小籠包 ($26)一咬啲汁流晒出嚟🤤啲湯好香甜，肉餡大大粒，略嫌外皮有點過厚🙈千島醬蘿蔔糕 ($30)蘿蔔糕外皮炸得好香脆😋 配埋木魚絲同千島醬又幾夾，係幾新式嘅食法！得獎蝦餃之王 ($31)蝦餃皮晶凝通透，厚薄適中，蝦肉爽口彈牙，值得一試😋成日話遲啲見、得閒約、得閒飲茶，之後又無左回事😢 睇到呢到，有冇啲好耐冇見嘅朋友？快啲Tag下佢地，多啲約下陪下身邊嘅朋友同屋企人啦🥳#大大力懲罰黃店💛-得閒飲茶 (太子)📍太子運動場道7B號地舖抵食指數：😚😚😚😚/5舔舔脷指數：😚😚😚😚/5
春風得意腸 ($36)
係舖頭嘅王牌🃏腸粉包住脆卜卜嘅油炸鬼，入面仲有鮮蝦同粟米做餡料，加埋蟹籽點綴令到成個點賣相靚左唔少🥳
黃金流沙包($26)
貓咪造型夠曬吸睛🤩 做到流沙效果，入面嘅奶黃味幾香濃👍
灌湯京滬小籠包 ($26)
一咬啲汁流晒出嚟🤤啲湯好香甜，肉餡大大粒，略嫌外皮有點過厚🙈
千島醬蘿蔔糕 ($30)
蘿蔔糕外皮炸得好香脆😋 配埋木魚絲同千島醬又幾夾，係幾新式嘅食法！
得獎蝦餃之王 ($31)
蝦餃皮晶凝通透，厚薄適中，蝦肉爽口彈牙，值得一試😋
成日話遲啲見、得閒約、得閒飲茶，之後又無左回事😢 睇到呢到，有冇啲好耐冇見嘅朋友？快啲Tag下佢地，多啲約下陪下身邊嘅朋友同屋企人啦🥳
#大大力懲罰黃店💛
-
得閒飲茶 (太子)
📍太子運動場道7B號地舖
抵食指數：😚😚😚😚/5
舔舔脷指數：😚😚😚😚/5
Post
