馬拉盞星馬美食 (Closed)

朋友介紹旺角有一間正宗馬來西亞肉骨茶及新加坡喇沙的星馬美食，通常星期一晚大多食店都比較靜，所以約幾個friend一齊去試下。7:00pm到達，點知要排隊。把鬼火要排隊，莫非真係咁好食。當打開門個時，忽然聞到香味，於是忍唔住問個收銀姐姐仔究竟乜野菜咁鬼香。真係比佢激死，佢竟然話唔知? 仲答我可能係馬拉盛通菜啦….! 都唔知個姐姐仔係咪鼻塞定係嗅慣咗冇了味覺?等了10分鐘有位。座低叫了4人B套餐，有大煲肉骨茶、馬拉盞通菜、招牌雞半只、參巴醬炒蝦、酸辣鳳爪、油炸鬼、等…馬拉盞通菜一到果然係入門口嗅到的香味，還有肉骨茶清香味。肉骨茶一到即飲一啖試下，果然同我去吉隆坡所食的不同,吉隆坡比較濃郁藥材味,這間清香入口舒服甘香, 唔怪得咁鬼多人啦！參巴醬炒蝦好特別好好味,其實我地已經好鬼飽,但見隔離枱叫了碗喇沙,睇落去唔錯諗住下次試下，但隔離枱食完埋單時同侍應講Ｄ喇沙有９成似星加坡D味道。所以我地飽都要試下。嘩真的好味，須然我地未食過怎麼喇沙，但真係好味，大家不防去try下。