Video
Read full review
2013-11-25
2792 views
今次已經係第二次嚟呢度開餐! 九龍城有咁多好泰菜, 呢度吸引我哋再嚟嘅喺佢哋獨特嘅泰式奶茶 & 馬莎琳咖喱~先講個奶茶, 味道真係好特別, 同港式或台式嘅味道都好唔同!! 味道濃, 但唔太甜 & 唔知點解, 總覺得有一股紅豆味… 但又唔似紅豆冰… 真係難以形容嘅美味 ( ´▽` )馬莎琳咖喱亦都超惹味, 我哋今次揀咗豬肉 & 薄餅! 咖喱裏除咗豬肉, 仲配有大量洋蔥, 青椒, 薯仔, 令整體感覺唔會膩! 佢亦唔似一般黄咖喱, 紅咖喱, 青咖喱… 佢嘅味道仲要再濃啲, 但唔辣!! 絕對令人一試鍾情 (^o^) 因為個咖喱汁實在太好食, 我哋忍唔住要追加白飯嚟撈汁~另外叫咗個鹹魚炒椰菜苗, 鹹魚切到細細粒,但有咬口, 而且一啲都唔油! 正~最後叫咗碟炭燒魷魚筒, 呢個就一般般, 得條魷魚尾有炭燒過嘅痕迹… 不過個汁就較得唔錯, 令整體味道提升哂 ^^題外話, 個人十分欣賞餐廳內嘅呢幅相, 超地道, 即刻勾起哂我去泰國旅行嘅回憶 Y(＾_＾)Y
先講個奶茶, 味道真係好特別, 同港式或台式嘅味道都好唔同!! 味道濃, 但唔太甜 & 唔知點解, 總覺得有一股紅豆味… 但又唔似紅豆冰… 真係難以形容嘅美味 ( ´▽` )
馬莎琳咖喱亦都超惹味, 我哋今次揀咗豬肉 & 薄餅! 咖喱裏除咗豬肉, 仲配有大量洋蔥, 青椒, 薯仔, 令整體感覺唔會膩! 佢亦唔似一般黄咖喱, 紅咖喱, 青咖喱… 佢嘅味道仲要再濃啲, 但唔辣!! 絕對令人一試鍾情 (^o^) 因為個咖喱汁實在太好食, 我哋忍唔住要追加白飯嚟撈汁~
另外叫咗個鹹魚炒椰菜苗, 鹹魚切到細細粒,但有咬口, 而且一啲都唔油! 正~
最後叫咗碟炭燒魷魚筒, 呢個就一般般, 得條魷魚尾有炭燒過嘅痕迹… 不過個汁就較得唔錯, 令整體味道提升哂 ^^
題外話, 個人十分欣賞餐廳內嘅呢幅相, 超地道, 即刻勾起哂我去泰國旅行嘅回憶 Y(＾_＾)Y
Post
