Bayfare Social

Open Now

Now Closed

之前為朋友生日訂不到枱，今次預早一個月前訂给另一友賀生日，這晚來到坐在無窗角位，下次要說定，望窗位，有些少海景。 訂枱說明用餐時間90分，先開支法國酒$540,抵過單杯order,易入口，順滑；男侍應，温文有禮，介绍食物。 先點西班牙火腿粒煮蜆$170，見2月食評$120，加幅都大，火腿粒香口，好品質，與洋葱蕃茜煮的汁，整體美味， 縱使蜆不是十分肥美及鮮味，都可掩蓋其不足。 朋友不食葱，包括洋葱，但我都要叫西班牙蛋餅$120， 上面有薄薄焦香芝士加沙律醬，蛋我嫌不夠香，無蛋汁擠出，整體及格。 西班牙海鮮飯$450,  飯用龍蝦汁煮，粒粒吸盡其鮮味，夠香夠份量， 飯帶濕冇飯焦，所以少焦香，魷魚無味-嚼膠，蜆一般，蝦爽，大隻，鮮味一般，以此價，坐地方，算合埋。 Esplanola flat bread$150, 即長形pizza，餅底香脆軟身，西班牙火腿隨意撕開放面，跟火箭菜羊奶芝士，送酒妙品。 最後是日甜品，拿破侖$80，我以為像美心層層脆餅加朱古力忌廉，原來此件為外型用三塊白色千層脆餅，加白色奶油夾心，上面落咗幾粒焦糖榛子，吱少少朱古力醬，香脆香口，不是想像中腻口，四個人切少少，唔錯。