CHIC Italian Cuisine and Oyster Bar (Closed)

今日約咗朋友喺尖沙咀食午餐，女仔都係鍾意「食環境」嘅，所以我就揀咗一間有情調嘅西餐廳CHIC。經過電梯，再搭餐廳專屬嘅升降機就會到達餐廳，感覺幾有格調。有露天同埋室內座位選擇，室內俾人嘅感覺悠閑啲，而室內就高貴啲。周圍掛滿趣致嘅卡通人物畫，好得意呀！午市套餐有＄88至到＄148不等，包沙律或者湯、主菜、甜品、餐飲。以呢一個環境同地段來講性價比高！顧名思義the oyster house當然少不了蠔，蠔湯味道好特別，鮮甜得黎有別於一般貝殼類水產，好特別！我叫嘅主菜係燉澳洲和牛臉頰。燉臉頰比起其他部位鬆軟滑嫩得黎唔會好多肥膏。而且好入味，一定用左好多香料烹煮！下面嘅薯蓉同樣好味，薯仔味好突出，有少量薯仔粒增添口感。主菜好滿意，甜品都幾好味！是日嘅甜品杯好有層次，依次序係朱古力餅碎、moose同埋奶凍。moose嘅味道有少少似酒同埋passion fruit味，好複雜。