樂園牛丸大王 (Closed)

同朋友去睇戲，見到時間剩返唔係好多，又唔想係呢個大時大節比人鋸到一頸血。所以就去咗樂園度食，四個人點了黑椒牛丸河、牛筋腩河、兩碗魚皮餃拼墨魚丸麵、介蘭同炸魚餅再加兩杯野飲。啲麵一黎，第一個感覺就係，有無咁細碗呀……一個正常男性如果只係食一碗麵，一定會餓死。以為雙拼會大碗小小啦，但係都係咁細碗。 黑椒牛丸河啲牛丸真係好彈口，相比之下，普通麵店啲牛丸就真係淋啲。果然不失牛丸大王之名。但係個湯底似乎普通咗啲，無咩特色。 牛筋腩河，睇落同食落都好「鞋」，比起牛丸，就真係失色咗啲。魚餅有小小驚喜，本來諗住魚餅唔會太出色，但係食落爽口，四個人一人一件份量啱啱好，有中上水準。