查理布朗咖啡專門店 (Closed)

好耐冇去過Charlie Brown Cafe啦，冇2年都有1年。對上一次去時都重未裝修，今次去到成個門面都唔同左；門面就靚左好多，但係上到樓上覺得細左同冇以前咁靚呢，以前有個小賣部，依家D禮品全部鎖晒係櫃入面，好似好矜貴咁，購買慾真係大減。不過裝修後，多左好多Set Lunch，感覺平好多呢。以前叫個漢堡加個凍飲都過百，依家有SET，有湯有飲品有甜品，加埋一先過百。沙律同湯，南瓜湯黎，好甜好Cream，意外地好飲喎。沙律落得太多醋，如果可以分開上比客人自己落會好D。2個小朋友叫既漢堡，勁多肉汁，好好味。其實呢，以前黎食過，有次個肉入面重係好生的，仔有少少陰影，每啖都望下個包先，問佢佢先話怕好似上次咁入面係生既凍既。好彩今次完全冇問題，個漢堡煎得岩岩好又勁juicy。好後悔叫左個西冷，唔好食，好多筋，我見隔望枱果塊扒靚好多，大塊好多的，真係可能係我黑仔。不過冇下次囉，我一定唔會再叫扒，叫意粉或漢堡就算。朋友叫的兒童餐，原來佢係樓下見到個餐牌就被兒童餐吸引左呢。雖然話兒童餐，不過份量唔少，女仕食都100%夠飽的。蛋包飯入面係雞肉雜豆茄汁飯黎，都OK好味。飲品有4杯，不過唔係叫咖啡，沙冰果