I Love 戟 - 日式班戟專門店 (Moved) New Location

自從近年流行唔同嘅班戟，傳統嘅班戟似乎已經開始被淘汰，要搵返傳統嘅款真係唔容易，今日竟然比我喺呢度搵到！嚟到呢間小店，最想食嘅其實當然係焦糖燉蛋班戟，始終係招牌菜，不過賣晒即係意料之外嘅事，果然一去到已經寫住叫野食時會最令人失望嘅英文字 'sold out'，呢兩個字亦已經包含埋「下次請早」既意思🤦🏻‍♀️難得一場黎到，唔叫翻個對唔住自己啦。睇睇下餐牌，最吸引始終系焦糖木糠雪糕班戟，超多木糠呀～仲有好多cream，雪糕既味道有• 朱古力 • 雲呢拿 • 薄荷曲奇 • 綠茶 • 芒果• 椰子 • 極酸檸檬 • 我係揀咗薄荷曲奇，薄荷曲奇加埋啲忌廉真係好鬼正！夏天食一流呀最緊要係啲薄荷曲奇夠凍，班戟有淡淡既蛋香，下次再黎戈陣希望有焦糖燉蛋戈款。