上海婆婆 (黃大仙中心北館)

Open Now

Now Closed

好耐無行黃大仙中心，今日去完黃大仙廟，經過肚仔又餓餓地，家人提議食上海菜，咁就去咗依間上海婆婆，一入門口就感覺裝修寬敞精緻。上海菜當然要叫返d精緻嘅菜式，今日就叫咗鎮江水晶肴肉，依味餸好考功夫，一層豬皮一層火腿加上上湯啫喱，一層層加埋鎮江黑醋，味道豐富。仲有叫咗上海小籠包，皮薄餡靚，滿滿湯汁，真係要趁熱食。北京炸醬麵麵條幼細有嚼勁，炸醬肉多，仲有碗上湯，如果覺得太乾可以加入上湯，味到岩岩好，唔會太濃味，午市套餐仲配埋紅油炒手。京蔥爆羊肉，京蔥加埋羊肉好惹味。仲有叫咗兩個甜品，綠茶芋泥餅，綠茶皮包住芋泥，仲有芝麻圍邊，非常香脆可口，又唔會太甜。酒釀丸子，有淡淡桂花清香，丸子煙靭，同樣又不會太甜。喜歡上海菜，可以去試吓，大力推介。