人和月雞煲火鍋店 (Closed)

早前襯天氣凍凍地，係下午去左人和月吃個火鍋暖暖身。粉麵、蔬菜類及飲品需要自取，肉類就用QR code落單。吃火鍋之前先吃卜卜蜆，湯底非常清楚，蒜香味十足，蜆蝦隻隻鮮甜，蜆肉一啲沙都無。原來打算等藥膳養生牛奶湯先吃牛肉，但卜卜蜆嘅湯底太岩我口味，所以忍唔住食幾塊牛展、牛胸爽，肉味夠濃，好正。先來一盤牛肉拼盤，有牛下肩、牛板腱、金錢展、牛胸爽、雪花肥牛展，個人最鍾意牛下肩，肉味夠濃。最近每一間火鍋都可以任食鴨血，入口爽滑。出前一丁真係好夾火鍋湯底，加少少調味粉和麻油，再用墨魚滑、蟹籽蝦滑、娃娃菜做配菜，真係無得輸。