土司工坊 (新港中心)

Open Now

Now Closed

好耐無食過嘅土司工坊去尖沙咀做完嘢都5點幾，有啲肚餓，但因為已經過左5點半，又攰攰哋唔想得咁遠，經過新港中心醒起有food court 就落去睇睇會唔會好彩仲有tea 。落到去food court 當然一如我所料係無tea 食。不過我見到我以前最愛嘅土司工坊。咁就食佢個肉鬆套餐，貪佢平平哋$40有交易。套餐有肉鬆土司、2隻煎蛋同埋嘢飲，凍飲要加錢。肉鬆土司，如我想像好味！肉鬆下有少少沙律醬，土司夠脆！蛋係半熟蛋，加埋醬油啱啱好，佢哋嘅醬油有啲似老抽，唔會太咸。凍咖啡一如以往夠濃，如果少甜會好啲。