Video
Read full review
2022-09-22
146 views
今日去旺角攞部電器去維修。中間要等兩個鐘， 一條友搵咗附近一間外觀幾靚仔有幾多好評嘅韓燒食下kill 下time.入到去,店員好熱情裝修有幾型格,感覺不錯. 我食$138午市放題，一坐低就擺低一盤牛五花同埋一盤雜肉俾我。觀感上唔錯😊一開始燒牛五花，味道一般但都可以啦百幾蚊。跟住燒雞翼，5秒內個鐵板就乾晒雞翼連皮黐到實。 因鐵板冇搽油的緣故超級黐底…成嚿肉都係黑色，咁我唯有放棄隻雞翼攞啲雞皮啲油出嚟希望潤返個鐵板，先再燒豬扒。 好可惜佢啲豬扒好薄而且乾無油份都冇亦都唔係好見同食到醃過嘅痕跡….一放落個鐵板又係即時黐底燶晒🥲🥲🥲忍唔住舉手問店員係咩問題佢就話我塊板冇加油，佢而家幫我加返…跟住我再燒，可能由於之前已經太多燶咗嘅焦， 再燒咩嘢都係變黑色。 我都有啲唔好意思咁再舉手問佢可唔可以幫我換個塊板因為我真係食唔到…好彩佢都肯同我換。 來到新板係有少少油份，比之前嘅好…燒咗一陣都係有同樣情況咁都算啦。唯一一次加單，要咗一塊牛扒。 等咗20分鐘都冇再催佢就嚟咗碟未融雪同見唔到有醃製過嘅所謂燒汁牛扒….一睇都覺得驚，究竟咩係燒汁😆。 算啦，照燒埋佢….一食落口真係難食到暈。 無肉味（有雪味）再
中間要等兩個鐘， 一條友搵咗附近一間外觀幾靚仔有幾多好評嘅韓燒食下kill 下time.
入到去,店員好熱情裝修有幾型格,感覺不錯.
我食$138午市放題，一坐低就擺低一盤牛五花同埋一盤雜肉俾我。觀感上唔錯😊
一開始燒牛五花，味道一般但都可以啦百幾蚊。
跟住燒雞翼，5秒內個鐵板就乾晒雞翼連皮黐到實。 因鐵板冇搽油的緣故超級黐底…成嚿肉都係黑色，咁我唯有放棄隻雞翼攞啲雞皮啲油出嚟希望潤返個鐵板，先再燒豬扒。 好可惜佢啲豬扒好薄而且乾無油份都冇亦都唔係好見同食到醃過嘅痕跡….一放落個鐵板又係即時黐底燶晒🥲🥲🥲
忍唔住舉手問店員係咩問題佢就話我塊板冇加油，佢而家幫我加返…跟住我再燒，可能由於之前已經太多燶咗嘅焦， 再燒咩嘢都係變黑色。 我都有啲唔好意思咁再舉手問佢可唔可以幫我換個塊板因為我真係食唔到…好彩佢都肯同我換。 來到新板係有少少油份，比之前嘅好…燒咗一陣都係有同樣情況咁都算啦。
唯一一次加單，要咗一塊牛扒。 等咗20分鐘都冇再催佢就嚟咗碟未融雪同見唔到有醃製過嘅所謂燒汁牛扒….一睇都覺得驚，究竟咩係燒汁😆。 算啦，照燒埋佢….一食落口真係難食到暈。 無肉味（有雪味）再加埋黑色嘅炭焦…今餐真係冇乜食過嘢落到肚，全部都係焦燶嘅肉。 坐隔籬枱嘅太太同我情況一樣大家都係相視擰頭，無話可說😶
總括嚟講，只有碟牛五花係ok擺得落口因為有醃過又有油份。 我而家最想知點解呢間嘢可以有咁多個好評呢，係我唔好彩定係佢退步咗呢🤔
15 views
0 likes
0 comments
韓式牛扒
5 views
0 likes
0 comments
Post
