Video
Read full review
2015-12-05
1863 views
趁早上冇乜人就黎到呢間好出名既豬扒飯店食飯，真係好彩唔駛排隊就有位。我叫左個什扒飯($44)，友人叫左鮮茄豬扒飯($55)，另外叫左杯凍好立克($14)。基本上係到食就預左比其他一般快餐店要等耐少少，鋪頭都有大大隻字寫不要催促。約10分鐘後鮮茄豬扒飯先到，食左少許都覺得個飯好正，豬扒夠鬆軟，醃好味道，絕對出面一Ｄ餐廳唔醃塊扒搵汁撈就算。等多5分鐘我份什扒飯都到左。什扒飯包括豬扒約一塊，雞翼(非豉油王)、腸仔，午餐肉及火腿各一件。先食豬扒，一樣咁鬆軟好味，雞翼比我想像中好味，腸仔果Ｄ都係大路野。至於汁方面我覺似洋蔥汁，但唔會有洋蔥比你食到(想食洋蔥應該要加錢)。食埋Ｄ飯我發覺我成碟飯都有一個問題，就係唔夠熱。除左塊豬扒係熱，其他所有餸都係微暖近乎凍，連白飯都係唔熱，我等左成3個字都係比Ｄ唔熱既野我食其實都唔太開心，明明間野計埋我地都冇8個客，又冇乜人外賣……之後杯凍好立克黎，我滿心歡喜地想像一杯14蚊既野會有幾好味，但點之完全唔值呢個價。好淡，九成九比好少粉就算數，唉，明明我係用原價單叫又唔係跟餐叫，咁都比Ｄ垃圾黎，好灰。黎得呢到梗係試埋牛肉，所以再加份鮮茄牛肉三文治($45)，另外再叫
約10分鐘後鮮茄豬扒飯先到，食左少許都覺得個飯好正，豬扒夠鬆軟，醃好味道，絕對出面一Ｄ餐廳唔醃塊扒搵汁撈就算。等多5分鐘我份什扒飯都到左。什扒飯包括豬扒約一塊，雞翼(非豉油王)、腸仔，午餐肉及火腿各一件。先食豬扒，一樣咁鬆軟好味，雞翼比我想像中好味，腸仔果Ｄ都係大路野。至於汁方面我覺似洋蔥汁，但唔會有洋蔥比你食到(想食洋蔥應該要加錢)。食埋Ｄ飯我發覺我成碟飯都有一個問題，就係唔夠熱。除左塊豬扒係熱，其他所有餸都係微暖近乎凍，連白飯都係唔熱，我等左成3個字都係比Ｄ唔熱既野我食其實都唔太開心，明明間野計埋我地都冇8個客，又冇乜人外賣……
之後杯凍好立克黎，我滿心歡喜地想像一杯14蚊既野會有幾好味，但點之完全唔值呢個價。好淡，九成九比好少粉就算數，唉，明明我係用原價單叫又唔係跟餐叫，咁都比Ｄ垃圾黎，好灰。
黎得呢到梗係試埋牛肉，所以再加份鮮茄牛肉三文治($45)，另外再叫份奶油多($9)。落單時侍應問我牛肉係咪鮮牛肉，我話左係。10分鐘後奶油多到，呢次真係夠熱，味道唔錯，合乎9蚊既期望。再等多5分鐘，萬眾期待既三文治終於到了(因為貴過碟飯)。鮮茄我覺得一般，冇乜特別，但係牛肉真係不得了，塊包係夾左大量牛肉落去，就快填滿成個包，而且Ｄ牛肉係好好味，唔「蘇」，冇煮到過火，肉汁又滲透晒塊包到，好正，真係值呢個價(不過如果有下次我應該唔加鮮茄)。
Post