燒蝦蝦 (興泰大廈) (Closed)

呢度係新鮮生猛嘅蝦俾你即捉即燒，覺得好得意，一直都想試。原來最興奮的不是我，是婷婷。佢話全程都要由佢負責捉和負責燒咁話，教埋佢點睇啲蝦熟定唔熟，結果我一隻蝦都冇捉過冇燒過🤣，只係負責食。睇見佢捉蝦果個開心，滿足樣興奮嘅樣，我都覺等值回票價，都係俾小朋友有個新啟發，新嘗試嘅機會。任食海鮮2.5小時真係好抵食，海鮮中除左蝦，還有鮑魚，青口，扇貝，蠔，蜆，貴妃蚌，大眼雞，倉魚，多春魚等，而且仲十分新鮮，燒出來，十分鮮甜美味，我就中意燒魚咩都唔落，鮮味十足，中意食海鮮嘅朋友就真係岩晒黎呢度，一定能令你滿足。除左海鮮，也有蔬菜，肉類，串燒，熟食，涼拌，甜品，雪糕。肉類有五花腩，牛，羊架等，雞串，雞軟骨，雞腎，雞翅，腸仔，丸類等，熟食也有包類，燒賣，茶葉蛋，等等。涼拌有八爪魚螺肉海藻，泰式鳳爪等飲品方面就有清酒，生啤，啤酒，各類汽水飲品，仲有花茶添。食完當然要嘆翻甜品雪糕啦，呢度有好多款選擇。今次真係食得飽又玩得開心。