Add Some Thai Restaurant

Open Now

Now Closed

知道近期Add Some Thai 做緊套餐優惠，都幾抵食，質素唔錯，仲樣樣都好大碟，性價比超高👍2人套餐 $388頭盤酸辣鳳爪沙律鳳爪沙律酸辣開胃，口感脆卜卜，好食。 海鮮冬蔭功湯有蝦，蜆，帶有濃厚的冬蔭功風味，亦有椰汁香未，酸酸辣辣好醒胃。我覺得唔算好辣，但唔食得辣嘅話可能會覺得辣。小食可以揀四樣小食，沙爹雞肉串、紐西蘭牛柳粒串、和沙爹豬肉串啱晒食肉獸，正常發揮，招牌手打蝦餅炸至金黃，口感彈牙，必點。 主菜泰式炒金邊粉配鹹蛋黃酥炸海蝦金邊粉炒得恰到好處，搭配著鹹蛋黃酥炸海蝦，味道鮮美，讓人回味。 馬拉蓋炒通菜香氣四溢，通菜爽脆可口，調味剛好，唔會太鹹。 經典炭燒豬頸肉 +$65份量都幾多，豬頸肉肥瘦均勻，外皮炭燒的微焦帶來少少煙燻風味，口感帶爽，正！ 甜品芒果糯米飯配是日雪糕 +$48糯米飯軟糯，與香甜的芒果和冰涼的椰子雪糕完美融合，令人陶醉。芒果益力多沙冰 +$25，泰式奶茶+$15芒果益力多沙冰清爽可口，好解渴，泰式奶茶濃郁香醇，唔會死甜。Add Some Thai 出品都有誠意，套餐都真係勁抵食，服務又好，下次會再嚟試下其他菜式。