洪利粥店茶餐廳 (Moved) New Location

聽講尖沙咀有間老字號既粥舖, 今日要去試吓, 我點了碗豬肝肉丸粥及蝦腸, 再叫多碗凈雲吞, 好快已經送到, 碗粥既粥底非常綿, 一定吾係好係酒樓果D磨爛D米跟住煲一煲果種, 最特別係D肉丸, 好彈牙, 加上食落有濃郁既豬肉味, 好新鮮, 同周圍買到既不同, 我問老板原來係自家製的, 好有心思, 仲有蝦腸D蝦好新鮮, 另外腸粉好好味, 原本係傳統既布拉腸粉, 好少地方用D果方法, 腸粉特別有質感, 又香又滑, 而且這些師傅應該好難搵到潻,  最後係碗雲吞, D蝦好新鮮不在話, 連豬肉都係手切, 食落係好味好多, 估吾到一間普通既粥店茶餐廳竟然有這樣水準, 而且好經濟, 埋單$89, 我一定會介紹給朋友, 這是一間用心去做生意既餐廳, 等位都係值得的。