千の味刺身壽司專門店 (海福花園商場) (Closed)

分店地址：大圍積運街海寶花園商場地下31C地舖大圍嘅朋友，真係可以試吓呢間店。佢啲柯打一單接一單，都好多人食㗎喎。呢間舖位於大圍站G出口附近，就在強記燒鵝後方近福兆閣。相信佢主要係做外賣，但仍然好多人幫襯。我就同老公揀咗兩個雞扒定食同一個灸燒壽司餐。其中一個雞扒定食買黎第二日午餐食。每個套餐都包一罐飲品。好抵食！雞扒定食份量大，有幾塊雞扒，好大塊！雞扒完全無雪味，肉質嫩滑，而且個汁好味，甜甜地，好惹味。另外仲有辣味螺肉同粟米沙律，螺肉辣辣地，爽脆彈牙，好開胃。第二個雞扒定食隔咗一晚，叮翻熱嚟食，一樣咁好食😍😍火炙壽司餐有10件壽司，每件嘅配料都唔同，火炙燒嘅味好香，我最鍾意三文魚、魷魚、吞拿魚同北寄貝，每款食材都好新鮮，壽司飯軟度適中，好正！