Video
Read full review
2021-04-24
8968 views
10日前喺網上面book咗呢度慶祝生日，Book嘅時候要100%deposit，規矩幾嚴謹吓，不過我之後喺時間上面有少少改動，好在都冇問題。去到門口係剛剛新開張嘅拉麵店，初時仲以為去錯地方，不過店員叫我哋等等，之後接待員就從一個好大嘅雪櫃門帶我哋進入今晚嘅journey。我哋先喺雪櫃裏面停留咗幾分鐘，接待員為我哋介紹佢哋嘅和牛，請我哋飲咗杯清酒配上一啲風乾牛肉，配搭一流。之後進入餐廳，得到所有廚師嘅熱烈歡迎，呢度只係得吧枱，總共廿零個位，大家圍住個廚房，睇住呢五六個嘅廚師，大顯身手。呢度係omakase ，由廚師拍板，所以冇food menu，只係得drinks menu，先嗌左杯香檳同埋house sake，酒嘅種類選擇唔多，因為第一道開胃菜係海藻青椒沙律，所以先至飲番杯清清地嘅酒，海藻青椒沙律好umami ，因為之後一路都耍食肉，所以先來個素菜沙律都係一個好嘅開始。呢度廚師多功能，上每道菜嘅時候，都會擺出特定姿勢，仲會好大聲用日文講一啲我唔知係乜嘅嘢😆，非常有趣，亦都好尊重每一道菜，當然成晚就影相不停！開始食牛肉，就開支紅酒，不過呢度嘅紅酒起碼要過千，不過咁靚嘅牛肉，都要配返支好啲
我哋先喺雪櫃裏面停留咗幾分鐘，接待員為我哋介紹佢哋嘅和牛，請我哋飲咗杯清酒配上一啲風乾牛肉，配搭一流。
之後進入餐廳，得到所有廚師嘅熱烈歡迎，呢度只係得吧枱，總共廿零個位，大家圍住個廚房，睇住呢五六個嘅廚師，大顯身手。
呢度係omakase ，由廚師拍板，所以冇food menu，只係得drinks menu，先嗌左杯香檳同埋house sake，酒嘅種類選擇唔多，因為第一道開胃菜係海藻青椒沙律，所以先至飲番杯清清地嘅酒，海藻青椒沙律好umami ，因為之後一路都耍食肉，所以先來個素菜沙律都係一個好嘅開始。
呢度廚師多功能，上每道菜嘅時候，都會擺出特定姿勢，仲會好大聲用日文講一啲我唔知係乜嘅嘢😆，非常有趣，亦都好尊重每一道菜，當然成晚就影相不停！
開始食牛肉，就開支紅酒，不過呢度嘅紅酒起碼要過千，不過咁靚嘅牛肉，都要配返支好啲嘅紅酒嘅。
之後有六七道菜都係同牛有關，有唔同嘅sensations，牛肉柔嫩，好重牛味，嫩滑多汁，又用唔同嘅材料配合，帶出唔同嘅味道，每道菜編排都有精心思考過，份量一啲都唔輕手，食完有好滿足嘅感覺。
雖然餐廳座位唔多，不過當晚有四個唔同嘅顧客慶祝生日，所以去到差唔多嘅時候，所有廚師開始起哄，強勁嘅音樂大聲起來，每人附送一杯啤酒和清酒，所有廚師拉大隊向所有顧客敬酒，所有人都好高興，帶起全晚嘅高潮！
好耐未去過一間咁精彩嘅餐廳，好食好睇好玩，係慶祝特別日子嘅一個好地方。
呢度整體服務一流，廁所好靚好乾淨，雖然面對廚房，抽氣強勁，完全唔覺油煙⋯⋯
一個難忘的晚上！
102 views
2 likes
0 comments
73 views
0 likes
0 comments
73 views
0 likes
0 comments
107 views
0 likes
0 comments
100 views
0 likes
0 comments
114 views
0 likes
0 comments
61 views
0 likes
0 comments
59 views
0 likes
0 comments
56 views
0 likes
0 comments
32 views
0 likes
0 comments
43 views
0 likes
0 comments
41 views
1 likes
0 comments
Post
