緻 (Closed)

上次黎將軍澳發現海邊呢頭幾靚，決定要得閒過黎再戰！今次去左Monterey place 果邊，揀左間串燒食個靚lunch🤩呢間日式串燒店，裝潢設計以日本簡約風做主題，牆上用左日本酒黎做裝飾，而且成間舖用淺色做主調，令人好舒服😌午餐有啲lunch set都幾抵食，由幾十蚊到百幾蚊不等，我地點左個蟹膏蟹肉蟹籽丼套餐，有埋麵豉湯、前菜、沙律同茶碗蒸！丼飯勁足料，而且好新鮮，蟹肉夠鮮甜，蟹膏好新鮮，完全唔會腥👍🏻加埋啲小食，一個人我估我食唔晒🙈另外，我地仲叫左呢到主打既串燒，除左啲肉類之外，呢到仲有一啲比較特別既串燒，岩晒我口味！我地揀左燒雞心、雞心喉、青椒仔同雞胸軟骨。如果要我比分，我會比80分，全部都燒得好好食，只係青椒仔比較多木魚絲🙈🙈雞心、雞心喉呢類冷門內臟，佢地處理得好好，有種鮮味之餘，唔會覺得腥，調味亦唔會過喊，送啤酒真係超爽🍻雞胸軟骨就正常發揮啦！食得出，食材本身靚，所以用小小鹽燒就好好味😋最後就係有偽韓仔最愛既枝豆，佢而家已經識得自己咬佢出黎喇，媽媽同婆婆只配給到一個粒試味，成碟佢食晒😆呢到仲有兒童餐，我見好多人都帶埋小朋友黎食，等等地下次又叫黎試下先食完過隔離行埋donki