Video
Read full review
2023-02-01
273 views
平時一向都會支持黃店，有朋友喺外國返嚟，佢係我俾佢嘅食店名單上揀咗呢間雞煲店，心諗，黃店加上開飯食評唔錯，就試吓啦。冇影好多相，因為只係想快啲食完眼前嘅嘢，快啲走，我哋叫咗以下嘅食物：半隻雞煲: 咸，叫左小辣但黎到好似中辣噤，食到個胃好唔舒服。養生藥膳湯: 從來未試過食雞煲加湯要加錢，今次真係嚇咗一嚇。店員推介話藥膳湯似肉骨茶，平時我又咁鍾意食肉骨茶，心諗實冇死，點知出嚟又甜又苦，完全唔係肉骨茶味，又同雞夾唔到，好難食。自家制即炸響鈴: 咬落成口油，特別係中間，食到想嘔，店員推介話可以就咁點計煲啲汁食，試咗一下，覺得只係食緊啲油同埋啲辣雞汁落口，完全唔match，又上唔到湯，寧願食返cheap雞響鈴。題外話，之前食過勝記自家製炸響鈴，好好食。健康什菜籃: 食材正常，但因為湯好辣好甜好苦，所有菜都怪同辣到不能食落肚，最後食淨咗少少喺個碗度。千頁冰豆腐: 食材正常，但因為浸左係又苦又甜既藥材湯，好難食。竹蔗茅根: 好正常，成餐最入到口既野。可口可樂: 好好飲，簡直令人好感動。手切頂級安格斯: 味道同質感還可以，但份量有偏少。平時限時火鍋邊爐店嘅店員都會友善提醒，仲有15分鐘就要收枱之類，有
冇影好多相，因為只係想快啲食完眼前嘅嘢，快啲走，我哋叫咗以下嘅食物：
半隻雞煲: 咸，叫左小辣但黎到好似中辣噤，食到個胃好唔舒服。
養生藥膳湯: 從來未試過食雞煲加湯要加錢，今次真係嚇咗一嚇。店員推介話藥膳湯似肉骨茶，平時我又咁鍾意食肉骨茶，心諗實冇死，點知出嚟又甜又苦，完全唔係肉骨茶味，又同雞夾唔到，好難食。
自家制即炸響鈴: 咬落成口油，特別係中間，食到想嘔，店員推介話可以就咁點計煲啲汁食，試咗一下，覺得只係食緊啲油同埋啲辣雞汁落口，完全唔match，又上唔到湯，寧願食返cheap雞響鈴。題外話，之前食過勝記自家製炸響鈴，好好食。
健康什菜籃: 食材正常，但因為湯好辣好甜好苦，所有菜都怪同辣到不能食落肚，最後食淨咗少少喺個碗度。
千頁冰豆腐: 食材正常，但因為浸左係又苦又甜既藥材湯，好難食。
竹蔗茅根: 好正常，成餐最入到口既野。
可口可樂: 好好飲，簡直令人好感動。
手切頂級安格斯: 味道同質感還可以，但份量有偏少。
平時限時火鍋邊爐店嘅店員都會友善提醒，仲有15分鐘就要收枱之類，有一下佢叫我哋埋單，但係冇提醒我哋仲有幾耐時間，咁我哋就諗住食埋面前嗰兜菜就走，點知有一個男店員走過來，態度麻麻，就叫我哋快啲食埋就好走，就嚟要交枱。
嘢食又唔好食，態度又麻麻，就算係黃店，都唔會再返嚟幫襯，可一不可再。
食完每人平均消費$380, 完全唔知呢個價錢裏面包含咗啲乜嘢，服務又無，食物質素又無，好失望，呢個價錢我真係寧願去食嗰啲咩牛涮鍋就算，豬牛雞仼叫，雪糕蔬菜任食，服務態度又好啲。
我好少會寫食評，通常會因為太難食/太受氣而寫，呢篇係我第二篇。
55 views
0 likes
0 comments
Post
