Video
Read full review
2016-03-28
2539 views
我地當晚3人和牛套餐，其他就散叫，餐牌好多選擇，價錢亦非常合理。首先黎左兩個牛油生菜沙律，沙律菜好新鮮, 咬落”索索”聲，雖然裡面種類唔多，有生菜、青瓜、紫菜，但係用料勝在夠新鮮，我地幾個秒速清哂！再黎個冷盤298招牌豆腐，配上溫泉蛋、泡菜同埋紫菜，加埋特有醬汁，作為前菜非常開胃！之後就黎左個日本和牛set喇，有唔同部分嘅牛肉，我就最鍾意面頭塊牛舌，入口即溶，件件牛都好多肉汁，肉質非常好！當然都唔少得雞肉啦，叫左個味增醬雞腿同埋柚子胡椒雞腿，雞肉就其實間間燒肉店都差唔多，好唔好食好視乎個醬汁，我地覺得兩款燒肉醬都好好味！我地都有叫鹿兒島黑豚腩肉，肥瘦適中，不過因為個人比較偏好厚少少嘅豬腩肉而非薄切，所以呢碟就唔係咁啱我喇。不過其他人就食得好開心，可惜呢碟肉唔記得影相我地當中最鍾意嘅係和牛崩沙腩，呢碟係我地覺得最好味嘅一碟，呢碟牛嘅肉質真係入口即溶，當然就比唔上喺日本食嘅和牛啦，但係喺香港用呢個價錢食到呢個質素嘅牛就比較少有喇，下次黎一定要再叫呢碟！呢碟肉當然唔只以下呢個份量，不過燒之前唔記得影相。最後黎埋個雪米慈。推介呢間好食燒肉店比大家！
我地當晚3人和牛套餐，其他就散叫，餐牌好多選擇，價錢亦非常合理。
首先黎左兩個牛油生菜沙律，沙律菜好新鮮, 咬落”索索”聲，雖然裡面種類唔多，有生菜、青瓜、紫菜，但係用料勝在夠新鮮，我地幾個秒速清哂！
再黎個冷盤298招牌豆腐，配上溫泉蛋、泡菜同埋紫菜，加埋特有醬汁，作為前菜非常開胃！
之後就黎左個日本和牛set喇，有唔同部分嘅牛肉，我就最鍾意面頭塊牛舌，入口即溶，件件牛都好多肉汁，肉質非常好！
當然都唔少得雞肉啦，叫左個味增醬雞腿同埋柚子胡椒雞腿，雞肉就其實間間燒肉店都差唔多，好唔好食好視乎個醬汁，我地覺得兩款燒肉醬都好好味！
我地都有叫鹿兒島黑豚腩肉，肥瘦適中，不過因為個人比較偏好厚少少嘅豬腩肉而非薄切，所以呢碟就唔係咁啱我喇。不過其他人就食得好開心，可惜呢碟肉唔記得影相我地當中最鍾意嘅係和牛崩沙腩，呢碟係我地覺得最好味嘅一碟，呢碟牛嘅肉質真係入口即溶，當然就比唔上喺日本食嘅和牛啦，但係喺香港用呢個價錢食到呢個質素嘅牛就比較少有喇，下次黎一定要再叫呢碟！呢碟肉當然唔只以下呢個份量，不過燒之前唔記得影相。
最後黎埋個雪米慈。
推介呢間好食燒肉店比大家！
Post
