沖繩二段料理 (荷里活廣場)

Open Now

Now Closed

之前喺megabox食過呢間嘢嘅分店，之前覺得真係好難食，諗住永遠都唔會嚟多次。但係今次機緣巧合之下，又食多次，居然發現又幾好味喎。 心諗，megabox嗰間分店搞咩。。。叫咗個蝦撈麵，啲蝦汁好濃，其實有少少似台灣嗰種蔥油撈麵。係好食嘅。配咗兩粒餃子，都係好好食嘅。如果再煎得香少少就更加好啦。最surprise係流心蛋炸豬扒，下午茶嗰個小食嚟。 真係好好食囉，食落去豬肉同蛋白撈埋一齊，蛋黃仲流出嚟。。。正呀！！有個黑糖檸檬茶，我覺得普普通通，普通糖仲重好過黑糖。之前喺megabox係食飯，我諗可能係呢度啲撈麵好食過飯好多。