香辣軒

Open Now

Now Closed

今日係同女友補祝七夕嘅日子.之前有睇到啲介紹嘅食物但睇menu隨心點左幾道菜食：拼盤，炒雜菜，同冬蔭海鮮煲.（排名不分先後）首先，個拼盤相當貼心，唔同嘅食物都有唔嘅醬配，岩哂想試唔同食物嘅人，為食客嘅味蕾帶尼唔同層次嘅刺激.到個炒雜菜嘅時候剛好係清清地可以為之前食嘅酸酸辣辣中和翻，雜菜種類豐富，帶尼營養價值之餘都相當有口感.最後食嘅冬蔭海鮮煲，不得不提係用料好足，冬蔭湯底好飲，湯份量唔多，但配上海鮮又唔會話唔夠食，個煲整體而言係海鮮靚，湯好飲，仲有個細節位讚下，係個豆卜索哂啲湯，相當惹味！全程都會點著個爐慶住個湯，唔怕飲唔到熱嘅湯，到滾起嘅時候，侍應都會好貼心咁協助拎起啲料，令啲湯唔會彈出來！到飲品今次叫左杯blue ocean,甜甜咁嘅mocktail岩哂同女仔飲！自己叫嘅dirty xxx個杯都好靚，係味道飲落就有啲似咳藥水…