白鬚旗艦店 (Closed)

去西貢玩可能好多人都會諗起食海鮮，但兩個人去嘅話食海鮮又太難點菜，所以都會搵下啲cafe/其他餐廳，經朋友介紹下搵到「白鬚旗艦店」，係一間食印尼嘢嘅餐廳～ 鋪頭有兩層加少少戶外位，上層好有cafe feel！仲有坐大咕臣嘅平台位，感覺可以坐一個下晝😌（最後當然無，因為難得入西貢就周圍走走～）•🥢 白鬚牛骨湯飯 $90呢個牛骨湯飯會有啲似肉骨茶，不過無咁重藥材味，湯底會清啲淡啲，但配飯都幾好食😋 而且面都仲有啲炸蒜同蔥，牛骨同牛肉食落都會淡味啲啲，但配咗一個特製嘅豉油，味道有啲啲辣～牛肉片同牛骨份量好多，有6-7片厚切牛肉同3舊牛骨，牛骨都有啲肉痴住，而啲肉唔嚡，腍得嚟又有啲咬口😛 另外仲有一嚿清甜嘅白蘿蔔👍🏻•🥢 烤豬頸肉湯粉 $72就咁睇唔太靚，因為成碗嘢都係黃色🙈 但食落係好重香料味，最突出嘅係香茅，食落有啲似咖喱同喇沙嘅混合😂 好濃郁，同牛骨湯飯好大對比～ 豬頸肉好多，而麵底睇落似米粉，但食落比較腍，兩樣都會沾滿濃濃嘅湯～