十二味貴陽牛肉粉 (Closed)

前排得閒無聊嘅喂食妹見到openrice嘅第一位竟然係一間牛肉粉！我心裹好多個問號，究竟一間淨係賣牛肉麵嘅鋪頭點樣可以打低咁多特色食店呢？就係咁，我嘅獨毒一人搵食團就特意嚟咗潮聖喇！地點唔算係好就腳，更加令我好奇～好野都係難搵啲嘅！鋪頭唔太大，係一入去點完餐然後自己搵位坐低嘅。咁我一個人，就唔諗咁多，要個全家福清燉！貪佢咩都有得試，唔使煩。全家福好大碗！材料勁豐富，有牛肉丁，牛肉片，牛筋，牛肚，豆乾同滷蛋。個湯底顏色雖然清清地，但你以為係淡嘅話就大錯突錯喇！係帶濃濃嘅牛香味咖，唔會油膩，夠哂味勁濃郁，似係煲咗好多個鐘好有火喉。用咗好多香料去煲，見到有花椒八角個啲，唔會辣，但就有小小麻，好特別！可能就係貴陽特色～牛肉一啲都唔韌，仲煮得好入味。牛肚係薄切嘅，唔怕會有咬唔開嘅問題。其實小妹覺得滷蛋同豆乾係勁吸引！因為呢兩樣材料都吸收咗湯底嘅精華，食落啖啖牛湯嘅香，好正。而米線好滑身，軟硬都適中。另外口痕嘅我仲要咗個涼菜，係冰鎮木耳。木耳好爽口，仲有啲一粒粒嘅酸蘿蔔。酸酸辣辣，惹味又開胃，12蚊幾抵食咖。我仲要咗支椰青水，夠哂解渴。估唔到一間小店，竟然做到如此好食嘅一碗粉，小妹都覺得好中意，有