金子半之助 (利東街)

Open Now

Now Closed

好多人推介呢間天丼，拖咗好耐終於搵一日去食，周末過咗午餐時間都仲有唔少人。天丼款式其實唔多，而且麵食只有配2款迷你天丼選擇。所有套餐附味噌湯，漬物。由於都係炸物，影出嚟好似一樣樣😂🌟上天丼 $118🍤一個天丼有齊白身魚、海老、小柱魷魚天婦羅餅、莢豌豆、海苔、溫泉蛋🍤天婦羅炸好後，再淋上秘製醬汁，每件天婦羅都沾滿醬汁，唔需要再加其他調味🍤秘方研製而成嘅醬汁，鹹鹹甜甜，而香港分店醬汁仲加咗鰹魚花乾，入口更鮮甜🍤白身魚炸完仍然肉質彈牙，含豐富蛋白質同鈣🍤份量對女仔嚟講偏大份🍤食材上的亦加咗柚子，配搭清新柚香，解膩又開胃據Menu上嘅小秘訣，食用一半後再將炸半熟的溫泉蛋戳破，令溫泉蛋蛋液包住每一粒米粒。呢個食法的確令個飯更濕潤，每啖都充滿蛋香~總結：唔知係咪因為餐廳落場(~3pm), 天婦羅表面都比較黑同唔夠脆。秘製醬汁令天婦羅有別於平時食開嘅味道，可以一試但個人覺得未到非常之好食。