萬發海鮮菜館 (Closed)

星期五同屋企人去萬發食飯慶祝母親節, 一行五人, 因為之前自己已食過幾次, 所以一早叫阿哥去攞位, 否則 一般六點半過後就有排等啦!今次叫左五個菜, 有蜜椒牛柳, 石頭飯,砵酒焗大鱔,豆腐斑南, 半隻風沙雞, 基本上呢幾樣我次次去都有叫, 砵酒焗大鱔就第一次, 我覺得好食, 又夠味,份量又ok, 正,不過就要食快d, 因為放耐左d酒味會無左, 其實佢地個汁燒大鱔球都唔錯,又香口, 不過砵酒焗大鱔就較有魚鮮味!至於豆腐斑南呢, 其實次次去食味道都真係唔一樣,唔係話唔好食, 係要撞彩睇佢用條魚邊個位去整, 上次去就多骨, 今次就都叫做啖啖肉, 但今次味就似乎差dd, 但係d魚食落去都食得出係新鮮, so 所以我次次去都有叫~不過原來係唔平, 因為食左幾次今次先有留意原來要盛惠一百大元ga ><石頭飯係招牌菜,實叫無走雞呀, 父母都話ok, 不過我就略嫌唔夠飯焦~ 原來佢有個菠蘿石頭飯, 下次真係要試下先!風沙雞皮脆肉滑,好食, 不過今次有d咸! 另外蜜椒牛柳呢, 經過上次無意間叫左黎食之後, 我係愛上佢, 肉腍得黎又唔會無晒d肉味, 合晒我阿爸口味, 當然屋企其他人都鍾意