Video
Read full review
2011-05-25
20 views
身邊好多女性朋友不時會問我有無餐廳可以介紹，首要條件要環境舒適，可以坐得愈耐愈好，其次地點一定要就腳，價錢唔可以太貴，反而食物質素永遠放到最後，又要有甜品供應先開心...真麻煩！而且我唔太喜歡推介連鎖餐廳俾朋友，所以次次都令我大傷腦筋，直至有日讀過西打哥其中一篇精彩食評，在尖沙咀一角找到答案...Kitchen M在尖沙咀K11商場內一個較隱蔽位置，大家只要到達一樓最大果間運動服裝店，行到最深處就會見到餐廳存在。餐廳環境舒適，設計簡單，木製餐椅襯托著白色磚牆，感覺舒服悠閒。呢度有沙律頭盤，意粉薄餅，亦有各類主菜甜品，款式最啱心多多嘅女士們。廚師沙律($98)以帶子，大蝦，芝士為主，約二至三人份量。蝦肉彈牙爽脆，帶子鮮味，芝士味唔太濃郁，配上新鮮蔬菜，作為頭盤絕對合格。食過沙律後，再來一份香脆帕爾馬火腿薄餅($128)。Parma Ham，火箭菜跟煙燻過嘅水牛芝士組合微妙，加埋輕薄香脆嘅薄餅，大家都食得滋味。邊食薄餅邊傾計，大家亦懶理薄餅係唔係由來自那不勒斯焗爐烤烘了～哈！聽聞Risotto係Kitchen M拿手好戲，於是來個大蝦意大利飯($128)試試，入口第一個感覺係醬汁弄得好惹味
Kitchen M在尖沙咀K11商場內一個較隱蔽位置，大家只要到達一樓最大果間運動服裝店，行到最深處就會見到餐廳存在。餐廳環境舒適，設計簡單，木製餐椅襯托著白色磚牆，感覺舒服悠閒。呢度有沙律頭盤，意粉薄餅，亦有各類主菜甜品，款式最啱心多多嘅女士們。
廚師沙律($98)以帶子，大蝦，芝士為主，約二至三人份量。蝦肉彈牙爽脆，帶子鮮味，芝士味唔太濃郁，配上新鮮蔬菜，作為頭盤絕對合格。
食過沙律後，再來一份香脆帕爾馬火腿薄餅($128)。Parma Ham，火箭菜跟煙燻過嘅水牛芝士組合微妙，加埋輕薄香脆嘅薄餅，大家都食得滋味。邊食薄餅邊傾計，大家亦懶理薄餅係唔係由來自那不勒斯焗爐烤烘了～哈！
聽聞Risotto係Kitchen M拿手好戲，於是來個大蝦意大利飯($128)試試，入口第一個感覺係醬汁弄得好惹味，大蝦煎得剛好不過火，保持口感及鮮味。而意大利飯方面食落黏口又彈牙，味道唔錯。不過如果可以加多少少紫蘇醬，將意大利飯果種香濃口感再突出多一點就更理想喇！
意大利飯令味蕾興奮，但意粉味道卻是一般貨色。煙三文魚扁意粉($88)無乜咬口可言，醬汁亦做太濃味，感覺有點膩口，愈食就愈不想再食落去。煙肉芝士蛋汁意粉($88)比起口感比扁意粉好一點，但芝士味未夠濃香，蛋香亦欠奉，跟Applegreen那份Carbonara相比甚遠...
雖然意大利粉教人失望，但一份焗蘋果酥($88)再令我地重現笑容，蘋果酥賣相尤如一個薄餅，焗得夠酥香，肉桂蘋果香味微微散發，夾雜開心果碎，係一個非常值得推介嘅甜品。另一款甜品紅莓拿破崙($58)內層吉士醬算幼滑，千層酥皮部分牛油味香濃，可惜咬落夠脆唔夠鬆，要扣一點分，Mille-Feuille始終都係Mimosa同Carrina做的較好...Kitchen M食物份量少同上菜速度慢，無可否認都係缺點，但從另一個角度睇，多叫幾款慢慢食，一班朋友就再多時間傾下計，其實都係一件樂事，呢個算係半杯水嘅道理嗎？
Post
