Video
Read full review
2013-12-14
566 views
之前行過門口好幾次，接待員都好熱切想要請我們入內試一試 ，不過都因為已 book 了其他館子 ....終於今晚專程來試了，整體感覺良好 ，share 俾其他未試嘅屯門友。先講吓裝修 ，之前經過餐廳門口見有好多木桶 ，有大有細 ，有日本 feel 但感覺有啲雜亂 ，反而入到去又唔同晒，用大木桶做燈飾同卡座 ，仲有一大幅鏡牆同日式燈籠 ，光潔明亮服務算很主動周到 ，需然有多位服務員都好明顯係新人 ，但係態度還算不錯。Order 幾樣食物好快就到。先來 半燒三文魚伴酸汁 ，第一次聽 ，唔錯喎 ，三文魚大小適中口感好 ，酸汁唔太酸 ，最啱做醒胃前菜牡丹蝦係「賣飛佛」但 48 蚊一隻就迷你咗啲囉 ，亦唔夠鮮味 ，同平時食開果啲冇得比雜錦壽司 ，唔錯 ，係細件少少 ，但對於唔太好食飯嘅人其實啱啱好三文魚三文魚子燒飯團 ，料多大件頭 ，睇到同食到好滿足 ，只係部份位置略嫌燶咗少少串燒拚盆 味道 ok ，但一早上咗枱又要等我食晒生嘢先輪到佢 ，食嘅時候唔太熱 ，差咗少少 ，如果 6 串之中有 1 串係牛舌就好喇！最後介紹 海膽汁燒蠔 ，有新意 ，好惹味 ，但都好濃味 ，建議最後先叫 ，同埋一人唔好食多
終於今晚專程來試了，整體感覺良好 ，share 俾其他未試嘅屯門友。
先講吓裝修 ，之前經過餐廳門口見有好多木桶 ，有大有細 ，有日本 feel 但感覺有啲雜亂 ，反而入到去又唔同晒，用大木桶做燈飾同卡座 ，仲有一大幅鏡牆同日式燈籠 ，光潔明亮
服務算很主動周到 ，需然有多位服務員都好明顯係新人 ，但係態度還算不錯。Order 幾樣食物好快就到。
先來 半燒三文魚伴酸汁 ，第一次聽 ，唔錯喎 ，三文魚大小適中口感好 ，酸汁唔太酸 ，最啱做醒胃前菜
牡丹蝦係「賣飛佛」但 48 蚊一隻就迷你咗啲囉 ，亦唔夠鮮味 ，同平時食開果啲冇得比
雜錦壽司 ，唔錯 ，係細件少少 ，但對於唔太好食飯嘅人其實啱啱好
三文魚三文魚子燒飯團 ，料多大件頭 ，睇到同食到好滿足 ，只係部份位置略嫌燶咗少少
串燒拚盆 味道 ok ，但一早上咗枱又要等我食晒生嘢先輪到佢 ，食嘅時候唔太熱 ，差咗少少 ，如果 6 串之中有 1 串係牛舌就好喇！
最後介紹 海膽汁燒蠔 ，有新意 ，好惹味 ，但都好濃味 ，建議最後先叫 ，同埋一人唔好食多過一隻
以上二人份量差啲食唔晒 ，餐牌所有甜品一律未有供應 ，嘩！冇甜品食點得架 ，埋單行過去買 cake 番屋企食先 ^^
Post
