Bacchus (Closed)

真係估唔到依幢大廈裏邊嘅西餐廳可以好食到呢個地步，我真係好少食到每一樣嘢都好好食嘅西餐廳。而間一定係我嘅翻兜必選。仲要環境正，有格調，情侶朋友都啱黎。佢嘅Menu唔算特別厚，但係有個廚師發板嘅西餐，幾特別，有頭盤、main course，仲有個甜品，其實為起嚟都幾抵，可以考慮吓賣相幾好，適合打卡。哈密瓜好甜，火腿唔會過鹹，包住哈密瓜一齊食係我最鍾意嘅食法。今次係我第一次食黃油雞，侍應話黃油雞算係雞裏便比較高級嘅一種，而且佢個做法係先慢煮（？）再煎香表面，所以裏邊食落去係超級滑嫩，佢嘅雞肉唔係普通白烚雞胸嘅嗰種味道，咬落去嘅時候你會感覺得到肉中的黃油的香味真係好唔錯甜品係有子芝士蛋糕，唔會太過結實，屬於係順滑嘅一種。隔離伴碟啲嘅生果都唔係求求期期。因為我喺餐牌上唔係好搵到呢一款甜品，跟住侍應話依個係是日甜品，就算第日想再返嚟食都未必會有得食好滿足嘅一餐西餐！