Seoulmate (MONTEREY Place)

Open Now

Now Closed

餐廳位於將軍澳嘅Monetary Place，以可愛造型炒飯為招牌菜，提供多款特色又創意嘅韓式料理。環境闊落，寵物友善，裝潢設計獨特，色彩繽紛，好有童真，絕對適合一家大細嚟聚餐。前菜有章魚泡菜他他配酥炸脆球配柚子百合車厘茄沙津，Fusion菜式，頗有新意。採用印度Puri Puri，放入章魚泡菜他他，帶點微辣，外脆內飽滿，搭配新鮮蔬菜，令人胃口大開。主食有煙霧瀰漫烏卒卒火山辣海鮮炒飯，出面以蛋白包住，海鮮炒飯粒粒分明，海鮮餡料豐富，打卡able又好味。火灸雙醬韓式炸雞外脆內嫩，搭配秘製明太子同黃金皮蛋醬，兩款各有千秋。甜點有馬卡龍甜品拼盤，集合Tiramisu、朱古力蛋糕、馬卡龍同朱古力雪糕，甜品空表示好幸福呀！飲品有冰釀咖啡同藍蝶花冰極熊柑桔梳打，前者味道香濃，後者甜甜滋味，讚。