漢城韓國餐廳

Open Now

Now Closed

是咁的 ! 見佢開左張一排 ,都無幫襯過就一行三人諗都唔諗就入左去點了一個大將湯跟飯午餐,韓式伴飯同辣牛肉湯跟飯。韓式伴飯賣相OK,賣相OK呢句說話係俾隻煎蛋既,點都估唔到咁簡單既菜式都可以乜味都無及熱度係0! 大將湯午餐$58內容空洞無物整個湯健康到得豆腐,豆腐,豆腐,豆腐豆腐,洋蔥,洋蔥,洋蔥,洋蔥,洋蔥,洋蔥,洋蔥,應有既蜆肉.......食到最後連蜆殼碎都無一粒,一定係我有幻覺,明明廚師將佢畢生既功力用猛火滾碎哂d蜆肉溶入左落個湯到名為國王的大將湯, 辣牛肉湯跟飯$58都算係最正常既一樣不過你是去品嚐牛肉的話你要珍而重之咁對待那一片牛肉,我並沒有用錯量詞,整個辣牛肉湯只得一片12cm x 3cm的牛肉,一片........再回想一片...一片......真係無野好講。三個人總括一句 "呢餐只可以維持生命"。