Video
Read full review
2023-05-23
3509 views
九龍灣德福廣場一期盡頭位置，多年來長期被美心集團佔據，除了兩間港式廣東酒樓【翠園】及【美心皇宮】一直據守、沒有改名，其餘幾個舖位就會定期轉名、換餐廳，但其實仍然喺美心集團，只不過與不同過江龍合作。通常都係日本餐廳，亦只會買了香港專營權，而並非與日本總店合作營運香港分店。【Yakiniku LIKE】正是其中一間集團旗下的新進餐廳。這間日式燒肉店的九龍灣分店其實開業已經接近兩年，一直都有很多人排隊，又不接受訂座，每次經過都未有機會光顧，今日特地利用 GULU App 排隊攞飛，決心一定要試試。室內用餐環境偏向擠迫，左右兩邊是吧枱式座位，中央位置就有一張高身大枱。標榜為不同顧客群設置個人及共享無煙烤爐，吧枱式座位就完全配置個人烤爐，絕對滿足鍾意享受日式燒肉的孤獨精！中央的高身大枱就係共享烤爐，情侶可面對面對坐一齊烤肉。除了烤爐，座位設計同樣貼心，拉開抽屜，就見到筷子、匙羹及乾濕紙巾⋯⋯ 不過，其實很有港式茶餐廳風格。白米飯標榜採用日本產米。燒肉汁就有四款口味：原味BBQ、蒜香、鹽味及辣味噌；另外還有韓式辣醬、胡麻將、海鹽及黑胡椒。雖然有實體餐牌，但只作為方便客人閱覧；實際落單就係QR co
這間日式燒肉店的九龍灣分店其實開業已經接近兩年，一直都有很多人排隊，又不接受訂座，每次經過都未有機會光顧，今日特地利用 GULU App 排隊攞飛，決心一定要試試。
室內用餐環境偏向擠迫，左右兩邊是吧枱式座位，中央位置就有一張高身大枱。
標榜為不同顧客群設置個人及共享無煙烤爐，吧枱式座位就完全配置個人烤爐，絕對滿足鍾意享受日式燒肉的孤獨精！中央的高身大枱就係共享烤爐，情侶可面對面對坐一齊烤肉。
除了烤爐，座位設計同樣貼心，拉開抽屜，就見到筷子、匙羹及乾濕紙巾⋯⋯ 不過，其實很有港式茶餐廳風格。
白米飯標榜採用日本產米。燒肉汁就有四款口味：原味BBQ、蒜香、鹽味及辣味噌；另外還有韓式辣醬、胡麻將、海鹽及黑胡椒。
雖然有實體餐牌，但只作為方便客人閱覧；實際落單就係QR code、用手機自己搞掂。
叫了兩一份套餐，牛五花及宮崎牛肩胛肉套餐（$128）及牛五花及雙重宮崎牛肩胛肉套餐（$188），每份套餐包括迷你沙律、白飯及味噌湯。兩份套餐在於前者100 g，後者就多了50g 宮崎牛肩胛肉。
牛五花及宮崎牛肩胛肉套餐
$128
66 views
0 likes
0 comments
牛五花及宮崎牛肩胛肉套餐
53 views
0 likes
0 comments
牛五花及雙重宮崎牛肩胛肉套餐
$188
37 views
1 likes
0 comments
牛五花及雙重宮崎牛肩胛肉套餐
29 views
0 likes
0 comments
宮崎牛肩胛肉賣相真係似A4或 A5 和牛。不過，可能因為烤爐太迷你，火力唔夠猛，烤牛肉時未能逼出油花，未能產生火炙的焦香效果，影響和牛味道。牛肉柔軟，入口亦有滿腔油花效果，果然係黑毛和牛質素。只是未至於入口即溶，亦未算非常滑溜；因為烤爐火力問題而未能突顯應有的和牛牛香係最敗筆之處。話說回頭，公平啲講；只需一百多元就有 100g 正宗A5和牛，還有什麼苛求？
追加單點牛舌(50g)($42) 及壽喜燒牛五花(100g)($38) 。薄切牛舌雖然唔係最靚嘅牛舌芯，但入口軟身、唔韌，只嫌未夠爽口彈牙。勝在夠大片，如果可以添加一些蔥花會更好。講價錢就冇得輸，同樣價錢在其他日式燒肉店可能只有六成份量。
牛舌(50g)
$42
99 views
0 likes
0 comments
單點壽喜燒牛五花(100g)($38) 可以選擇溫泉玉子或者生雞蛋；唔理牛肉質素平定貴，強烈推介食壽喜燒一定要配生雞蛋，溫泉玉子一定做不到牛肉沾滿雞蛋黃的效果。但真係估唔到原來【Yakiniku LIKE】所選用的牛五花竟然咁平？ $38 係已經包括雞蛋嘅價錢！
壽喜燒牛五花(100g)
$38
20 views
0 likes
0 comments
Post
