牛摩+ (新港城中心(5期)) (Closed)

呢間餐廳做打邊爐放題，有唔同套餐選擇。我哋揀咗安格斯牛頸脊海鮮放題$258/位，除咗安格斯牛頸脊任食，仲有其他肉類都係任食。另外，海鮮方面都係任食。湯底一人一鍋，我哋揀咗博多美人骨膠原雞白湯及昆布鰹魚清湯。骨膠原雞白湯好得意，有牛魔嘅公仔樣啫喱，慢慢加熱後啫喱狀嘅雞白湯就會溶。雞白湯有淡淡的雞香。昆布鰹魚清湯清清地味道都唔錯。牛肉類有安格斯牛頸脊肉、美國特選牛肩胛等，另外仲有海鮮盛盒，全部都係任食。熟食叫咗炸雞塊等。自助區有多款火鍋配料，蔬菜、丸、麵，仲有壽司、卷物等等，仲有多款飲品。甜品有乳酪雪糕、泡芙、啫喱等等。呢一個價錢牛肉質素又唔錯，又有海鮮任食，食物又多款式，抵食！