悠閑閣餐廳 (Closed)

去元朗搵個fd食飯。依家大馬路個邊好擠迫架。所以元朗人既佢提議去遠少少既Fantastic cafe. 又安靜 又可以慢慢坐 冇限時。星期六日都有午餐 其實都好抵。All day breakfast 炒蛋算幾滑 加左香草。煙肉唔會煎得太燶 香香脆脆 配埋煙三文魚 幾新鮮。雞肉腸係香草個種 煎過 都幾好味。薯餅熱辣辣 幾脆 唔係翻炸物。茄汁豆係罐頭貨。整個早餐份量都唔算細。配菜有沙律菜和焗蕃茄。雖則唔精緻 但水準還可以。炸雞配薯角 呢個炸雞反而有點驚喜。炸粉夠薄 炸得皮夠脆 肉質依然嫩口 又醃得幾入味喎。薯角熱辣辣 正。配菜的沙律菜都算幾新鮮。千島醬就冇咩新意。總括黎講 唔係勁好食 但價錢經濟 環境不錯 食物不俗。