Video
Read full review
2007-10-07
1 views
呢間森巴,係一次行街時無意中見到,見佢又係o的幾道菜既menu,所以好有興趣一試。今日咁岩見冇咩好去處,又o係美麗華附近,就去試一試。個menu最貴個set都係$208,有一個包,一個頭盆,三個森巴recommend,一個湯,一個主菜同一個甜品。的確,好似好抵,諗住如果又okay好食,都可以多o的黎。咁我同女朋友就各叫左一個嘉年華set,即係$208個set,諗住試多o的野。個老闆話個珍寶蠔同個鵝肝最出名。所以我地既點菜如下:頭盆:1. 煙三文魚蟹肉包2. 焗酥皮雜菌森巴recommend:1. 珍寶蠔x22. 鵝肝x23. 輕煎和牛沙律4. 極黑豬排湯:1. 龍蝦湯x2主菜:1. 鵝胸釀鵝肝醬2. 鱸魚拼大蝦甜品:1. 芒果后冠xxx2. 焦糖燉蛋叫完,上左兩個包仔,同期即係上左個「煙三文魚蟹肉包」同「輕煎和牛沙律」。此刻已有點不滿,喂,亂上菜既!?我女朋友個頭盆都未黎,你就上左我個頭盆同一個recommend。擺明係大批煮完就即刻攞出黎啦,我地叫左個餐都未夠2分鐘!都算喇,當冇氣氛算喇,對我黎講最重要都係好唔好食。先食個包,都幾好,好似包店賣既麻糬包咁,但係裡面多好多芝士,同埋個包
個menu最貴個set都係$208,有一個包,一個頭盆,三個森巴recommend,一個湯,一個主菜同一個甜品。的確,好似好抵,諗住如果又okay好食,都可以多o的黎。
咁我同女朋友就各叫左一個嘉年華set,即係$208個set,諗住試多o的野。個老闆話個珍寶蠔同個鵝肝最出名。所以我地既點菜如下:
頭盆:
1. 煙三文魚蟹肉包
2. 焗酥皮雜菌
森巴recommend:
1. 珍寶蠔x2
2. 鵝肝x2
3. 輕煎和牛沙律
4. 極黑豬排
湯:
1. 龍蝦湯x2
主菜:
1. 鵝胸釀鵝肝醬
2. 鱸魚拼大蝦
甜品:
1. 芒果后冠xxx
2. 焦糖燉蛋
叫完,上左兩個包仔,同期即係上左個「煙三文魚蟹肉包」同「輕煎和牛沙律」。此刻已有點不滿,喂,亂上菜既!?我女朋友個頭盆都未黎,你就上左我個頭盆同一個recommend。擺明係大批煮完就即刻攞出黎啦,我地叫左個餐都未夠2分鐘!
都算喇,當冇氣氛算喇,對我黎講最重要都係好唔好食。先食個包,都幾好,好似包店賣既麻糬包咁,但係裡面多好多芝士,同埋個包都熱熱地,都幾ok。
之後我地食個煙三文魚蟹肉包,er...完全食唔出蟹味...得o的煙三文魚味...仲要一黎到時...見到個size...簡直嚇親我地咁細。唉...三文魚同蟹肉跟本就夾唔到...亂整...
之後食個和牛,我之前冇食過和牛,但感覺okay啦,幾有肉味,不過又唔係話好特別。
之後等左一段時間,黎左個「焗酥皮雜菌」,呢個係成場最好食既野喇,都幾好,個酥皮既新鮮,o的雜菌亦好好食,唔會有濟既感覺。
食緊時,突然上左個「珍寶蠔」同「鵝肝」...o的次序同時間我都唔介意得咁多喇...但佢問都冇問過我地,就將我地既兩隻蠔放埋一隻碟,兩個鵝肝又放埋一隻碟。喂...而家我好似都算食緊西餐呀嘛...咩事...
唔緊要,好食重要o的。先食個珍寶蠔,的確幾大隻,一隻...-___-...唔係嘛...係唔新鮮既蠔黎既...一o的鮮味都冇...跟住仲要粉粉地既o個隻口感...得個大字...女朋友切時唔小心切到個腸位...哇!!!一大堆黑汁出黎,仲要好重金屬味!!!我坐對面都聞到!!!
之後個鵝肝,真係咁都夠膽攞出黎賣!!同我屋企第一次試自己買鵝肝返去煎既一樣!!冇汁既感覺,亦真係冇任何汁淋上面,口感係冇既。仲要唔知做咩下面係個脆既法包,口感完全唔夾,真係不知所為。兩個所謂最出名既菜式竟然係咁既水準!
之後終於黎埋個「極黑豬」,都okay,幾有豬味,可以接受既一道菜。
之後黎個龍蝦湯,終於激嬲左我女朋友,我女朋友已經比我對食既要求低好多好多倍。個龍蝦湯竟然係冇龍蝦肉!!!有冇搞錯呀!!!人地沙嗲王10幾蚊都有食堆肉啦!!你一粒都冇你都敢叫自己龍蝦湯!!!
氣憤之時,黎左女朋友個主菜:「鱸魚拼大蝦」,不滿之意更加大增!!喂!!!咁叫大蝦,同我平時o的茶餐廳要個茸蓉蒸開邊蝦o個o的蝦既size好似冇咩分別喎!!!咁你都敢叫做大蝦!!??!之後個鱸魚,鯹既,食黎都o從氣。
之後黎埋我個「鵝胸釀鵝肝醬」,呢個都okay o的,冇咩特別。
之後黎個甜品喇,個「后冠」係一個唔知咩包住o的焦糖蘋果,熱的,隔離有個唔知牛奶公司定維記既芒果雪糕仔。雪糕同個后冠既味完全夾唔到...但都唔係話好差。
女朋友專登叫個焦糖燉蛋,諗住呢o的普通野整得衰極有限。點知...哈哈...佢個焦糖,就好似鋪一塊硬糖o係o的燉蛋上面,係要用力先咬得碎的!!!真係救命...
之後埋單,老闆黎收錢,我都真係忍唔住,不斷同佢投訴,講返每樣食物點樣唔得,o的上菜次序又混亂。到而家仲係有點不吐不快既感覺。
Post