Video
Read full review
2007-10-04
23 views
聽見d人話好好味，趁生日去試下，諗住食餐豪既~點知.....完全覺得唔值!! 仲有d 服務態度係扮出黎，係完全無誠意的。一開始我地點野食，我話我第一次黎既，所以唔識叫野食，問佢有無好介紹，佢就介紹左：1) 烘飽<-- 好似蒜蓉飽咁，有d 小番茄同菜伴碟，size 就好似本個普通豬仔飽咁上下。2) parma ham on melon <-- 火腿一般，反而d蜜瓜超正。3) 大蝦扁意粉<-- 茄汁底，勁重蝦味，都幾好食，waiter 話係鎮店之寶，叫左一份半。4) 肉丸意大利粉<-- d 肉丸麻麻地，超超鹹，都係茄汁底，因為waiter 話茄汁會好食過白汁。5) 紅酒燴牛膝<-- 完全唔掂，好似一d好鹹既牛腩，個紅酒汁太酸。我地一共有5 個人，都ok 飽，因為佢一開始會比d飽你食，d 飽都ok既，會比埋橄欖油你的。埋單一共：$3046.00我覺得超貴，其實貴係預左，因為睇返d食評都知，但我覺得唔值咁既價錢囉。講真又唔係話好好食，比得咁既錢無預到會咁普通，份半蝦意粉$780，加埋一即係要$858，一碟意粉個味咁普通要咁既價錢，我覺得係無可能。我比盡佢
點知.....完全覺得唔值!! 仲有d 服務態度係扮出黎，係完全無誠意的。
一開始我地點野食，我話我第一次黎既，所以唔識叫野食，問佢有無好介紹，佢就介紹左：
1) 烘飽<-- 好似蒜蓉飽咁，有d 小番茄同菜伴碟，size 就好似本個普通豬仔飽咁上下。
2) parma ham on melon <-- 火腿一般，反而d蜜瓜超正。
3) 大蝦扁意粉<-- 茄汁底，勁重蝦味，都幾好食，waiter 話係鎮店之寶，叫左一份半。
4) 肉丸意大利粉<-- d 肉丸麻麻地，超超鹹，都係茄汁底，因為waiter 話茄汁會好食過白汁。
5) 紅酒燴牛膝<-- 完全唔掂，好似一d好鹹既牛腩，個紅酒汁太酸。
我地一共有5 個人，都ok 飽，因為佢一開始會比d飽你食，d 飽都ok既，會比埋橄欖油你的。
埋單一共：$3046.00
我覺得超貴，其實貴係預左，因為睇返d食評都知，但我覺得唔值咁既價錢囉。講真又唔係話好好食，比得咁既錢無預到會咁普通，份半蝦意粉$780，加埋一即係要$858，一碟意粉個味咁普通要咁既價錢，我覺得係無可能。我比盡佢值$400。
點解我之前會講d waiter service 係扮出黎呢？
當d食物放上抬，佢會立即問你好唔好食，但當你一答佢既時候，佢已經走開左啦，咁又何必問呢？
咁樣問不如唔好問啦~ 超瘀，答佢好似同空氣講野咁。
平均每人要$600，真係超唔抵。
所以以後都唔會去的，這間餐廳永別了。
試過一次真的非常夠了!!!!
Post