李圓圓 (駱駝漆大廈) (Closed)

尋日食完飯係觀塘行，行行下見到李圓圓，勾起我去台灣旅行嘅回憶。見到勁多人排隊，多到我等咗好耐先影到張冇人嘅門面相。都幾多選擇，最後我買咗杯暖嘅黑糖珍珠鮮奶2.0 ($33) 飲下，佢地用明治鮮奶勁好飲。尋日係觀塘食完午餐之後要去新蒲崗食下午茶。係觀塘買完嘢飲之後有一個半鐘，買咗呢杯嘢飲可以一路行一路飲，感覺冇咁肥又慳咗十蚊。講返杯嘢飲先，所謂嘅2.0就做多咗30%嘅牛奶，適合我呢啲愛奶之人。我唔太中意凍飲，我叫咗暖嘅都幾夠熱，如果熱可能會太熱。啲珍珠黑糖味濃郁，用明火火爐古法熬煮兩個鐘。而且佢哋嘅珍珠比較軟同煙韌，咬落個牙骹都好舒服。啲奶太好飲我未行到一半就飲曬，撈勻咗之後都唔會太甜。